Fréttir og greinar

29. október 2019

Veruleg óþreyja meðal félagsmanna

Kjaraviðræður BSRB og aðildarfélaga bandalagsins hafa haldið áfram hjá ríkissáttasemjara undanfarið. Haldnir hafa verið vinnufundir þétt undanfarna daga þar sem unnið er að útfærslu á styttingu vinnuvikunnar, sem hefur verið ein helsta krafa BSRB í viðræðunum.

24. október 2019

Um gang kjaraviðræðna

Fulltrúar Sameykis hafa fundað stíft síðustu daga með viðsemjendum sínum. Í gær var fundað með Isavia lungað úr deginum. BSRB fundaði auk þess með samninganefnd ríkisins þar sem farið var yfir leiðir til styttingar vinnuvikunnar.

24. október 2019

Baráttudagur kvenna!

Sameyki óskar félagsfólki til hamingju með baráttudag kvenna í dag. Í dag eru 44 ár síðan fyrsti kvennabaráttudagurinn var haldinn. Dagurinn sem jafnan er nefndur Kvennafrídagurinn eða Kvennaverkfallið eins og okkur hugnast betur var fyrst haldinn árið 1975 í tilefni af því að Allsherjarþing Sameinuðu þjóðanna helgaði árið málefnum kvenna.

23. október 2019

Kjaraviðræður við Reykjavíkurborg

Viðræður milli Sameykis og Reykjavíkurborgar héldu áfram í eftirmiðdaginn í gær. Þar fóru aðilar yfir sínar áherslur með ríkissáttasemjara sem þegar hefur fengið þau gögn sem liggja fyrir eftir 16 fundi.

22. október 2019

Við verðum öll að sitja við sama borð

Antti Rinne forsætisráðherra Finnlands ávarpaði ráðstefnugesti NOFS (Nordens Offentliganställdas Fackliga Samorganisation) í Helsinki í morgun og fulltrúi Sameykis situr. Rinne talaði meðal annars um mikilvægi þess að finnska stjórnin sé nú að vinna gegn ofurhagnaði einkafyrirtækja, enda séu góð skil á skattfé undirstaða góðs velferðarsamfélags. Rinne lagði mikla áherslu á mikilvægi norræna módelsins enda ræðst velferðarstatusinn og lífskjörin af skattinum. „Grunnurinn er sá að við sitjum öll við sama borð“, sagði Rinne. „Börn ráðherranna fara í sama skóla og allir aðrir. Þannig verður það að vera einnig í framtíðinni. Lykill að þessu liggur í velferðarkerfinu. Skatturinn á að fara í velferðarkerfið og ekkert annað.“

20. október 2019

Spennandi málefnastarf í nefndum

Fulltrúaráð ákvað á fundi sínum í vikunni að eftirfarandi fastanefndir skyldu starfa. Á fundinum var jafnframt kosið í nefndirnar fjórar. Starf þeirra hefst strax á næstu vikum.

18. október 2019

Fulltrúaráð skoðar mögulegar aðgerðir

Kraftmikill fundur fulltrúaráðs ræddi stöðuna í kjaramálum í vikunni og mikill hugur var í fólki. Þetta var fyrsti fundur ráðsins en hann sóttu 90 manns. Farið var yfir stöðuna í kjaraviðræðunum en eins og kunnugt er eru viðræður við þrjá stærstu viðsemjendur félagsins á borði ríkissáttasemjara. Skipt var upp vinnuhópa á fulltrúaráðsfundinum þar sem ítarlega var fjallað um áherslur félagsins um styttingu vinnuvikunnar og mögulegar aðgerðir framundan ef samningar ekki sást ekki fljótlega. Margar góðar tillögur komu fram og ljóst er að fulltrúaráðið er tilbúið til aðgerða og alls staðar þar sem málin eru rædd innan félagsins er fólk sammála um að ekki komi til greina að hrófla við neysluhléum í tengslum við styttingu vinnuvikunnar.

17. október 2019

Sameyki og Reykjavíkurborg funda hjá sátta

Það hefur verið stíft fundað í vikunni þó enn sjáist hvergi í land. Varðandi samningaviðræður Sameykis við Reykjavíkurborg er það helst að frétta að viðræðunefnd Sameykis gagnvart Reykjavíkurborg fundaði með samninganefnd Reykjavíkurborgar ásamt Ríkissáttasemjara í morgun 17. október. Þar voru afhent gögn til sáttasemjara um gang viðræðna áður en deilunni var vísað til embættisins, farið var lauslega yfir gang viðræðna fram að þessu og skipulagt framhald viðræðna. Næsti fundur hefur verið boðaður næstkomandi þriðjudag en þá verður farið nánar yfir kröfur aðila.

17. október 2019

Ríkissáttasemjari fundar með Sameyki og ríki

Samninganefndir Sameykis og ríkisins funduðu öðru sinni undir verkstjórn sáttasemjara í gær 16. október. Á fundinum kynntu báðir aðilar kröfur sínar og áherslumál og eftir þó nokkrar umræður var ákveðið að skipta verkefnunum niður á þrjá smærri vinnuhópa sem skipaðir eru fulltrúum beggja samningsaðila. Hóparnir fá það verkefni að skoða nánar launatöflur og stofnanasamninga, aldurstengda áherslu í orlofsmálum og félasgaðild tímavinnufólks. Hóparinir munu gera grein fyrir vinnu sinni næstkomandi fimmtudag (24. okt.)

15. október 2019

BSRB og ASÍ setja á fót rannsóknarstofnun

Fram kemur í frétt á vef BSRB í gær að BSRB og Alþýðusamband Íslands hafa ákveðið að setja á fót rannsóknarstofnun í vinnumarkaðsfræðum til að efla rannsóknir á sviði vinnumarkaðar, félags- og efnahagsmála. Norræn heildarsamtök á vinnumarkaði starfrækja mörg hver slíkar stofnanir og er því sérstakt ánægjuefni að íslenska verkalýðshreyfingin stígi nú þetta stóra skref.