Fréttir og greinar

08. maí 2019

Laun starfsmanna sveitarfélaga hækka

Laun starfsmanna sveitarfélaga í aðildarfélögum BSRB munu hækka um 1,5 prósent frá 1. janúar 2019 eftir að samkomulag um framhald launaþróunartryggingar opinberra starfsmanna.
Laun starfsmanna ríkisins sem eru í einum af aðildarfélögum BSRB munu ekki hækka að þessu sinni þar sem laun þeirra hækkuðu meira en sem nemur hækkunum á almenna vinnumarkaðinum á síðasta ári. Laun félaga í aðildarfélögum ASÍ sem starfa hjá sveitarfélögum munu hækka um 1,7 prósent og laun félaga ASÍ sem starfa hjá ríkinu um 0,5 prósent frá 1. janúar.

08. maí 2019

Aðalfundur SFR

Á dagskrá eru venjubundi aðalfundarstörf. Allir félagsmenn eru velkomnir, boðið verður upp á léttan kvöldverð.

08. maí 2019

Stofnun ársins - happdrætti

Nú fer að styttast í að við kynnum niðurstöðurnar um val á Stofnun ársins, en það verður tilkynnt 15. maí næstkomandi. En þeir sem tóku þátt í könnuninni tóku jafnframt þátt í happdrætti og hér eru númerin sem dregin hafa verið út:
Icelandair 60 þúsund kr. gjafabréf - nr. 70.078 & 73.404
Airwaves miðar (2) - nr. 66.950, 66.150, 66.985 & 89.989
Helgardvöl í sumarhúsi innanlands - nr. 67.265, 88.596, 88.306, 87.814 & 84311
Vikudvöl á Spáni – nr. 72.940

Þeir heppnu sem hafa þessi vinningsnúmer eru vinsamlegast beðnir um að hafa samband við Sólveigu í tölvupóstfangið solveig@sameyki.is, eða síma 525 8330.

03. maí 2019

Liðsauki frá RÚV

Félagsmenn Starfsmannafélags RÚV samþykktu á dögunum í atkvæðagreiðslu að leggja niður félagið og ganga inn í Sameyki. Forsaga málsins er sú að Starfsmannafélag Ríkisútvarpsins gekk í SFR stéttarfélag í júní 2016 með svokallaðri aukaðild en lög SFR voru á þá leið að stéttarfélag gat átt þar aðild. Við það öðluðust félagsmenn SRÚ full réttindi sem SFR félagar. Við sameiningu SFR og St.Rv. í Sameyki breyttust lögin hins vegar og möguleikinn á slíku formi aðildar var felldur niður.

02. maí 2019

1. maí - myndir

1. maí var haldinn hátíðlegur víða um land. Myndirnar sýna stemninguna í Reykjavík þar sem gengið var frá Hlemmi og niður á Ingólfstorg. Á torginu fór fram afar fjölmennur baráttufundur. Ræðukonur dagsins í Reykjavík voru þær Sólveig Anna frá Eflingu, Þuríður Harpa frá Örykjabandalaginu og Sonja Ýr frá BSRB. Fundarstjóri var Þórarinn Eyfjörð og tónlistarfólkið GDNR og Bubbi Morthens spilu. Veðrið lék við Reykvíkinga eins og sjá má á myndunum.

30. apríl 2019

Trúnaðarmenn og fulltrúar funda

Trúnaðarmenn og fulltrúar Sameykis funduðu í Gullhömrum í gær. Á fundinum fjallaði Björn Traustason um stöðu verkefna hjá íbúðafélaginu Bjargi og Eva Sigrún Guðjónsdóttir fjallaði um niðurstöðu MA rannsóknar sinnar um Stofnun ársins, en hún hlaut styrk til rannsóknarinnar á síðasta ári. Þá greindi Árni Stefán formaður Sameykis frá stöðunni í kjaraviðræðum en nú standa yfir viðræður við allflesta viðsemjendur og er því í mörg horn að líta. Viðræður ganga hægt en ágætlega og Árni segist vonast til að þeim ljúki fyrir mitt sumar. Starfsmenn Sameykis voru með stutt erindi; Kristín Erna Arnardóttir fór yfir verklagið í kosningu trúnaðarmanna sem fram fer í maí og Ása Clausen kynnti orlofshús félagsins fyrir trúnaðarmönnum, þá sagði Sólveig Jónasdóttir frá ferð á Kvennafund Sameinuðu þjóðanna sem hún sótti fyrir félagið í vetur og Þórarinn Eyfjörð brýndi fundarfólk til þess að taka með virkum hætti í baráttufundum 1. maí.

30. apríl 2019

Úthlutun orlofshúsa og Spánn í haust

Verið er að vinna úr umsóknum um sumarúthlutanir í orlofshús félagsins og munu þeir sem sóttu um eiga von á tölvupósti síðar í dag. Þar sem við erum að gera þetta sameiginlega í fyrsta sinn hefur úthlutunin tekið örlítið lengri tíma en vanalega og biðjumst við velvirðingar á því. Allir ættu að vera komnir með svar í síðasta lagi í lok dags 2. maí.

24. apríl 2019

Sameyki mun endurgreiða ónotuð WOW gjafabréf

Stjórn Sameykis hefur tekið ákvörðun um að þeir félagsmenn sem keyptu hjá okkur gjafabréf frá WOW air á tímabilinu 28. mars 2018 til 28. mars 2019 og gátu ekki nýtt bréfin eða flugferðina sem keypt var fyrir gjafabréfin, vegna gjaldþrots WOW, geta sótt um að fá þau endurgreidd hjá Sameyki.

17. apríl 2019

Gleðilega páska

Skrifstofa Sameykis er lokuð yfir páskahelgina en við verðum hér aftur kl. 9:00 á þriðjudagsmorgunn. Þangað til óskum við ykkur gleðilegrar páskahelgar.

12. apríl 2019

Stofnfundur Lífeyrisdeildar Sameykis

Afar fjölmennur stofnfundur Lífeyrisdeildar Sameykis var haldinn 11. apríl síðastliðinn, en á fundinn komu rúmlega 80 manns. Þar voru lögð fram drög að starfsreglum deildarinnar til samþykktar. ​Kosin var 7 manna stjórn og formaður. Ingibjörg Óskarsdóttir bauð sig ein fram til formanns og var hún einróma kjörin með lófaklappi. Átta manns buðu sig fram sem meðstjórnendur og flest atkvæði hlutu þau Guðrún Árnadóttir, Bryndís Þorsteinsson, Sigurjón Gunnarsson, Sigurður Helgason, Lilja Sörladóttir og Guðjón Magnússon og eru þau því löglega kjörin stjórn deildarinnar.