Fréttir og greinar

09. desember 2013

Jólaball SFR og St.Rv. - miðasala hafin

Jólaball SFR stéttarfélags og Starfsmannafélags Reykjavíkurborgar verður haldið miðvikudaginn 18. desember kl. 17:00 Gullhömrum, Þjóðhildarstíg 2, Reykjavík.

Boðið verður upp á glæsilegar veitingar, dansað í kringum jólatréð og auðvitað koma jólasveinar í heimsókn með glaðning handa börnunum. Miðar verða seldir á skrifstofu félaganna, Grettisgötu 89 frá 2. - 18. desember, opið frá kl. 09:00-16:00.

Miðaverð 700 kr.

27. nóvember 2013

Aðventukvöld 5. desember

Aðventukvöld SFR og St.Rv. verður haldið fimmtudaginn 5. desember, kl. 20:00 að Grettisgötu 89, 1. hæð.

Boðið verður upp á sannkallaða aðventustemmingu með heitu súkkulaði og smákökum undir ljúfum upplestri úr nokkrum nýjum jólabókum.

26. nóvember 2013

Konfektnámskeið á Akureyri og Selfossi

Konfekt Konfektnámskeið verða í boði fyrir félagsmenn á Selfossi og Akureyri og stendur skráning yfir. Námskeiðið á Selfossi verður 5. des. kl. 19:30-21:30 og námskeiðið á Akureyri verður 7. des. kl. 14:30-16:30. Á Selfossi leiðbeinir Guðmundur Finnbogason og á Akureyri leiðbeinir HAlldór Kr. Sigurðsson. Skráning á Selfoss hér og skráning á Akureyri hér.

25. nóvember 2013

Jólaball SFR og St.Rv.

Jólaball SFR stéttarfélags og Starfsmannafélags Reykjavíkurborgar verður haldið miðvikudaginn 18. desember kl. 17:00 Gullhömrum, Þjóðhildarstíg 2, Reykjavík.

19. nóvember 2013

Félagsliðar er hin nýja starfsstétt velferðarkerfisins

Á málþingi Félags íslenskra félagsliða, sem haldið var 15. nóv. sl. var samþykkt ályktun þar sem kemur m.a. fram að félagsliðar vinna við að aðstoða fatlaða, geðfatlaða og aldraða við daglegar athafnir hvort sem er á stofnunum eða á heimilum þeirra. T.d. með ráðgjöf þar sem það á við og örvar skjólstæðinga sína til framkvæmda og virkrar þátttöku í samfélaginu á jákvæðan hátt. Gott starf félagsliða er því skjólstæðingum þeirra lífsnauðsynlegt. Þrátt fyrir það hafa félagsliðar löngum verið hin ósýnilega stétt velferðarkerfisins. Virðing fyrir störfum félagsliðans hefur verið lítil eins og dræmar undirtektir stjórnvalda við ósk þeirra um löggildingu starfsins sýna.

19. nóvember 2013

ÖRFÁ SÆTI LAUS - Jólaföndur fyrir félagsmenn SFR

Hið árlega jólaföndur SFR verður haldið fimmtudaginn 21. nóvember kl. 18:00-20:00. Guðrún Brynja Bárðardóttir kennari og brautarstjóri blómaskreytingarbrautar Landbúnaðarháskólans mun leiðbeina þátttakendum.

14. nóvember 2013

STÖNDUM SAMAN - BSRB bregður á leik

Eins og margir félagsmenn hafa eflaust tekið eftir þá hefur BSRB brugðið á leik undanfarna daga. Á heimasíðu og facebook síðum bandalagsins má finna hinn stórskemmtilegan spurningarleik en markmið hans er að hjálpa þingmönnum að rifja upp ýmis loforð, enda virðist ekki vanþörf á. SFR hvetur félagsmenn til að taka þátt í leiknum og minna þingmenn rækilega á sig.

12. nóvember 2013

Jólaundirbúningur í bústað

Kjarnaskogur Orlofshús SFR standa félagsmönnum til boða jafnt sumar sem vetur. Það eru margir sem njóta þess að slaka á í vetrarkyrrðinni fjarri skarkala bæja og borgar. Sumir taka jafnvel til föndurdótið og undirbúa jólin í bústað. Við hvetjum félagsmenn til að kíkja inn á orlofsvefinn því þar má sjá nokkrar lausar helgar í húsum félagsins í nóvember og desember. Til dæmis er laust í Munaðarnesi og á Arnarstapa um næstu helgi og einnig í okkar glæsilegu íbúðum á Akureyri og í Kjarnaskógi.

11. nóvember 2013

Tillögur hagræðingarhóps ríkisstjórnarinnar birtar

Hagræðingartillögur ríkisstjórnarinnar voru birtar í dag. Þær voru unnar af fjórum þingmönnum, þeim Guðlaugi Þór Þórðarsyni, Vigdísi Hauksdóttur, Unni Brá Konráðsdóttur og Ásmundi Einari Daðasyni sem jafnframt var formaður hópsins. Tillögurnar voru kynntar á þingflokksfundum í dag og reikna má með því að einhverjar þeirra muni skila sér inn í breytingatillögur fjárlaganefndar við fjárlagafrumvarpið. Önnur umræða um fjárlagafrumvarpið á að fara fram 3. desember. Á vef Forsætisráðuneytis má finna tillögurnar í heild sinni.

08. nóvember 2013

nóvember - dagur gegn einelti

Dagurinn 8. nóvember er helgaður baráttunni gegn einelti í samfélaginu. Markmiðið með deginum er að vekja sérstaka athygli á málefninu og hversu alvarlegt einelti er. Í tengslum við baráttudaginn 2011 undirituðu fulltrúar stjórnvalda, sveitarfélaga, félagasamtaka og opinberra stofnana þjóðarsáttmála gegn einelti og lýstu þar með vilja sinum til að leggja þessu málefni lið.