Fréttir og greinar

03. desember 2014

Atvinnulausir fá desemberuppbót

Vinnumálastofnun mun greiða út desemberuppbót til atvinnuleitenda þann 5. desember í samræmi við reglugerð sem félags- og húsnæðismálaráðherra hefur gefið út. Full desemberuppbót er 53.647 krónur en greiðsla til hvers og eins reiknast í hlutfalli við rétt hans til atvinnuleysisbóta á árinu. Sjá nánar hér.

01. desember 2014

Starfsfólk Fiskistofu fjölmennti til ráðherra

Stór hópur starfsfólks Fiskistofu sem beðið hefur í margar vikur eftir viðtali við Sigurð Inga Jóhannsson, sjávarútvegs- og landbúnaðarráðherra vegna fyrirhugaðs flutning stofnunarinnar til Akureyrar fjölmennti í ráðuneytið nú í morgun. Starfsfólkið hafði fyrirfram fengið upplýsingar um að ráðherra væri alla jafna í húsinu á þessum tíma en í morgun var hann þó ekki á staðnum til að taka á móti áskorun frá hópnum. Það kom í hlut Kristjáns Skarphéðinssonar ráðuneytisstjóra að taka á móti hópnum sem var ekki ánægður með að hafa ekki enn fengið viðtal þrátt fyrir margar ítrekanir.

01. desember 2014

Jólaball - miðasala á skrifstofunni

Jólaball félagsins verður haldið að Gullhömrum, laugardaginn 13. desember kl. 14. Miðasala er á skrifstofu félagsins, Grettisgötu 89, 4. hæð, frá og með deginum í dag, miðaverð er 700 kr.

01. desember 2014

16 daga átak gegn kynbundnu ofbeldi

Átak gegn kynbundnu ofbeldi stendur yfir dagana 25.nóvember - 10.desember og verður ýmislegt um að vera til að vekja athygli á því. Í tenglinum hér að neðan má sjá þá viðburði sem verða á dagskrá bæði í Reykjavík og á Akureyri. Við hvetjum alla til að kynna sér dagskrána, það er margt í boði og allir ættu að finna eitthvað við sitt hæfi.

Dagskrá átaksins

28. nóvember 2014

Stórskemmtilegt jólaföndur félaganna

Jólaföndur félaganna var haldið á Grettisgötunni í gærkvöld og tókst með afbrigðum vel. Leiðbeinendur voru þær Svava og Margrét Rafnsdætur en þær kenndu þátttakendum að búa til stóran og náttúrulegan hurðarkrans sem mun sóma sér vel á á aðventunni. Stemmningin var afar góð og mikil vinnugleði í loftinu undir notalegri jólatónlist.

26. nóvember 2014

Endurskoðun starfsmats Reykjavíkurborgar

Starfsmatsnefnd Reykjavíkurborgar hefur nú lokið vinnu sinni við endurskoðun starfsmats borgarinnar samkvæmt ákvæðum í kjarasamningum. Niðurstöður endurskoðunar er að finna á innri vef Reykjavíkurborgar og einnig hér á heimasíðu SFR Stefnt er að því að greiða laun samkvæmt nýju mati 1. desember nk. Leiðréttingin er afturvirk frá 1. febrúar 2014. Félagmenn SFR sem starfa hjá Reykjavíkurborg geta haft samband við kjara og félagssvið SFR óski þeir frekari upplýsinga.

20. nóvember 2014

Jólaföndur

Við bjóðum upp á jólaföndur fyrir félagsmenn SFR og St.Rv. tvö kvöld í nóvember. Hægt er að velja á milli þess að skrá sig 25. og 27. nóvember. Útbúinn verður hurðarkrans og hægt verður að velja um rauðan, hvítan og náttúrulitan. Námskeiðin eru frá kl. 18:00-20:00 og leiðbeinendur eru þær Svava og Margrét Rafnsdætur. Efnisgjald er 3.700 kr á manninn.

18. nóvember 2014

Blað stéttarfélaganna í prentun

Blað stéttarfélaganna mun berast félagsmönnum í vikunni. Í blaðinu er að vanda fjölbreytt efni, s.s. umfjöllun um fullorðinsfræðslu, desemberuppbótina, launamun kynjanna og samanburð launa milli félaga, auk þess sem birt er viðtal við Indriða H. Þorláksson fyrrverandi ríkisskattstjóra um skattapólitík.

17. nóvember 2014

Kjaraþing trúnaðarmanna 17. nóvember 2014

Kjaraþing trúnaðarmanna stendur nú yfir á Grand Hótel. Dagskráin samanstendur af erindi Ásgeirs Jónssonar hagfræðings um efnahagsþróun, Guðrún Halldóra verkefnastjóri á kjara- og félagssviði SFR rakti launaþróun SFR og trúnarmenn leggja sitt af mörkum inn í áherslur félagsins í komandi kjarasamningsviðræður með skapandi umræðum í hópum. Í tilefni 75 ára afmælis félagsins er einnig boðið upp á örlítið hátíðlegridagskráliði og má þar nefna þrjá tenóra og brot úr sögu félagsins.

17. nóvember 2014

Til hamingju með daginn kæru félagsmenn

SFR fagnar 75 ára afmæli sínu í dag. Starfsmannafélag ríkisstofnana, eins og félagið hét þar til nafnbreyting var samþykkt á aðalfundi 2004, var stofnað í Alþýðuhúsinu í Reykjavík 17. nóvember árið 1939. Stofnendur voru 142 og störfuðu á rúmlega 20 ríkisstofnunum í bænum. Fyrsti formaður var kjörinn Guðjón B. Baldvinsson, starfsmaður Tryggingastofnunar ríkisins, en hann var á meðal helstu hvatamanna að stofnun félagsins. Af þessu tilefni munu trúnaðarmenn SFR þinga um kjaramál og leggja línurnar fyrir komandi kjarasamninga.