Heim

Fréttir og greinar

Fréttir og greinar

26. mars 2013

Aðalfundur LSFR 2013

LSFR-aðalfundur-2013-litilaAðalfundur Lífeyrisdeildar SFR sem haldinn var 21. mars sl. mótmælir harðlega hækkunum á lyfjum sem eiga að koma til framkvæmda 4. maí næstkomandi, en þar inni eru hækkanir á lífsnauðsynlegum, lyfjum eins og sykursýkislyfjum, flogalyfjum, hjartalyfjum og fleiri sem Sjúkratryggingar hafa greitt að fullu til þessa. Þessar hækkanir bitna mest á öldruðum og öryrkjum.

21. mars 2013

Happdrætti - Þú ferð í „pottinn“ ef þú svarar könnuninni!

stofnun-arsinsSFR hvetur alla félagsmenn til að taka þátt í könnuninni Stofnun ársins en við höfum verið stolt af góðri þátttöku undanfarin ár sem skapað hefur grunn að áreiðanlegum niðurstöðum. Þeir sem svara könnuninni verða sjálfkrafa með í happdrætti þar sem 6 vinningar eru í boði, tvö gjafabréf hjá Icelandair að andvirði 60 þúsund krónur, tveir aðgöngumiðar að Iceland Airwaves hátíðinni 2013 og 2x helgardvöl í orlofshúsi SFR að eigin vali utan úthlutunartíma. Með þátttöku í „Stofnun ársins“ leggur þú þitt af mörkum í baráttunni fyrir betra starfsumhverfi.

19. mars 2013

BSRB gagnrýnt á aðalfundi SFR

Aðalfundur SFR gagnrýndi vinnubrögð innan BSRB og í ályktun frá fundinum er kallað á meiri ábyrgðartilfinningu þeirra sem sitja í stjórn BSRB. Þá er meðal annars bent á að jafnt atkvæðavægi félaganna í stjórn bandalagsins sé óréttlátt, enda séu félögin mjög misstór. Auk þess er seinagangur í vinnubrögðum við breytingar á félagsgjaldi félaganna til bandalagsins gagnrýndur.

19. mars 2013

Skuldbindingar ríkissjóðs við lífeyrissjóð opinberra starfsmanna

hopurRíkissjóður hefur enn ekki hafið niðurgreiðslu á skuldbindingum sínum við lífeyrissjóð opinberra starfsmanna þrátt fyrir ítrekaðar kröfur SFR þar um. Aðalfundur SFR sem haldinn var í síðustu viku ítrekar kröfur félagsins og krefst þess að ríkissjóður hefji nú þegar að greiða inn á skuldbindingar sínar við lífeyrissjóð opinberra starfsmanna. Þá er þess krafist að heildarendurskoðun á lífeyriskerfi landsmanna lýkur er nauðsynlegt að fyrir liggi hvernig hið opinbera hyggst standa við skuldbindingar sínar gagnvart opinberum starfsmönnum.

19. mars 2013

Jafnréttismál á aðalfundi

adalfundur-1Á aðalfundi SFR í síðustu viku var ályktað um jafnréttismál, en félagið hefur verið í fararbroddi að benda á kynbundinn launamun meðal opinberra starfsmanna. Í ályktuninni krefst SFR þess að stjórnvöld, verkalýðshreyfingin og atvinnurekendur taki höndum saman um leiðréttingu kynbundins launamunar. 

15. mars 2013

Trúnaðarmaður ársins

sigurdur-skulasonSigurður Skúlason, trúnaðarmaður hjá Skógrækt ríkisins var valinn trúnaðarmaður ársins á aðalfundi félagsins í gær. Sigurður hefur unnið mikið og óeigingjarnt starf fyrir félagið, sem trúnaðarmaður, fulltrúi í félagsráði og síðast en ekki síst sem öflugur fulltrúi í samninganefnd. Sigurði var þakkað farsælt starf og honum afhent gjöf frá félaginu og viðurkenningarskjal.

15. mars 2013

Mínar síður

sfr-vefsidaNýjung í þjónustu við félagsmenn SFR var kynnt á aðalfundi félagsins í gær. Þar eru á ferðinni svokallaðar MÍNAR SÍÐUR þar sem félagsmönnum er veittur læstur aðgangur að persónulegu svæði á vef félagsins. Þar geta félagsmenn nálgast upplýsingar um styrki, umsóknir  og fræðslu sem þeir hafa sótt sér hjá SFR, auk þess sem þar er beinn aðgangur inn í Orlofsvefinn.

14. mars 2013

Trúnaðarmannaráð fundar

trunomars2013arniNú stendur yfir trúnaðarmannaráðsfundur á Grettisgötunni. Fundurinn er undanfari aðalfundar sem hefst kl. 17 í dag. Trúnaðarmenn eru nú að ljúka hópavinnu þar sem m.a. var farið yfir fjármál félagsins, sjóðina, úgáfumál og ýmis önnur félagsmál.

14. mars 2013

Í bústað um helgina

Hvað er betra en að skella sér í bústað að loknum góðum aðalfundi? Um helgina er laus hús í Vaðnesi, á Blönduósi, Hólum í Hjaltadal, í Öndverðarnesi og nokkur af nýju húsunum í Munaðarnes. Bókanir á Orlofsvefnum.

13. mars 2013

Laus íbúð á Akureyri um páskana!

Íbúð félagsins í Skálatúni á Akureyri losnaði óvænt nú um páskana. Áhugasamir bóki á orlofsvef SFR.