Heim

Fréttir og greinar

Fréttir og greinar

10. september 2015

Hiti í trúnaðarmönnum vegna stöðunnar í kjarasamningsviðræðum

IMG_0240Afar fjölmennum fundi trúnaðarmannaráðs SFR lauk rétt í þessu, en þar voru kjaramálin og staða mála í samningaviðræðum helsta umfjöllunarefnið. Mikil óánægja og reiði var í félagsmönnum með síðustu viðbrögð samninganefndar ríkisins og var hljóðið í þeim á þann veg að eina lausnin framundan væru aðgerðir. Flestir sögðu það vera andann á sínum vinnustað, fólk væri búið að fá nóg og vildi sanngirni. Þau væru í störfum við hlið þeirra ríkisstarfsmanna sem nýlega hafa fengið mun meiri launahækkanir en SFR félögum væri boðið. Þetta væri með öllu óásættanlegt.

Næstkomandi þriðjudag 15. september kl. 17:00 verður boðið til stórfundar í Háskólabíói og munu trúnaðarmenn sem og félagsmenn allir fjölmenna þar, enda mikill hiti í fólki.

09. september 2015

Samningafundi lauk án árangus

9 sept fundurSFR stéttarfélag í almannaþjónustu, Sjúkraliðafélag Íslands og Landssamband lögreglumanna hafa verið í sameiginlegum viðræðum við Samninganefnd ríkisins um nokkurt skeið. Þegar hafa verið haldnir 6 fundir undir stjórn ríkissáttasemjara og lauk 7. fundi í dag án árangurs. Ekki hefur verið boðaður annar fundur í kjaradeilu félaganna við ríkið.

09. september 2015

Mun rómuð staða ríkissjóðs skila sér inn í kjarasamningsviðræður félaganna í dag?

Ef marka má ræður forsætis- og fjármálaráðherra í gærkvöld hljóta samninganefndir SFR, SLFÍ og LL að fara bjartsýnar á fund samninganefndar ríkisins síðar í dag. Í stefnuræðu sinni rómuðu þeir góðan árangur ríkisins í efnahagsmálum og boðuðu skattalækkanir og betri afkomu heimilanna.

04. september 2015

BSRB ályktar um stöðuna í kjaramálum

BSRBmerkigottStjórn BSRB kom saman til fundar í dag og samþykkti þar ályktun vegna stöðunnar í viðræðum aðildarfélaga bandalagsins við samninganefnd ríkisins.Í ályktuninni segir m.a. að með nýjasta samningstilboði sínu sé ríkið að mismuna starfsfólki sínu eftir því hvaða stéttarfélagi það tilheyrir og að ríkið verði að ganga til samninga með hliðsjón af því sem gerðardómur taldi sanngjarnar kjarabætur fyrir aðra starfsmenn ríkisins.

04. september 2015

Allir ríkisstarfsmenn við sama borð - það er okkar krafa

Arni við skrifborð ...þungur a brunÁrni Stefán Jónsson formaður SFR skýrir afstöðu SFR og samstarfsfélaga (SLFÍ og LL) í yfirstandandi kjaraviðræðum vel í viðtali á RÚV í gær. Þar ítrekað hann að auðvitað gerum við þá kröfu að ríkið komi eins fram við alla sína starfsmenn. Það eiga ekki að vera Jónar og séra Jónar í þeirra hópi.
„Við gerðum þær kröfur og settum þær fram til samninganefndar ríkisins eftir að gerðardómur kvað upp sinn dóm, um að við gerðum ráð fyrir því að þessi rammi og hækkanir myndu koma til þessara félaga sem eru í þessu samfloti," segir Árni í viðtalinu. „Við lítum þannig á að ríkið hefur í sjálfu sér samið á þessum nótum. Gerðardómur segir að þetta sé það sem þeir komist næst því sem ætti að koma til þessara hópa og væntanlega til annarra ríkisstarfsmanna.“

04. september 2015

Ný íbúð í Kaupmannahöfn

20150827_154546 (Copy)SFR hefur nú tekið á leigu íbúð í Kaupmannahöfn í eitt ár í stað þeirrar sem við höfðum áður. Nýja íbúðin er staðsett á Grækenlandsvej á Amager stutt frá miðbænum með almenningsvagni. Þá er einnig hægt að taka almenningsvagn frá Kastrup flugvelli til þess að komast á Grekenlandsvej. Nánari upplýsingar má finna á orlofsvefnum.

01. september 2015

Kjarasamningsviðræður árangurslitlar

IMG_0175Samninganefndir SFR, SLFÍ og LL áttu fund með samninganefnd ríkisins fyrir stundu. Á fundinum svaraði samninganefnd ríkisins launakröfum félaganna sem lagðar voru fram í síðustu viku.

Tilboð samninganefndar ríkisins sem lagt var fram í dag olli, svo ekki sé meira sagt, verulegri óánægju í röðum fulltrúa samninganefnda félaganna. Enda var það lítið breytt frá því tilboði sem ríkið lagði fram 27. júní síðastliðinn og alls ekki í takt við launakröfur félaganna sem tóku mið af nýgengnum gerðardómi sem eins og kunnugt er ákvað nýlega laun félaga í BHM og hjúkrunarfræðinga.

21. ágúst 2015

Sumri hallar

Vaðnes - myrkurNú þegar sumri er farið að halla og skólarnir að byrja er kjörið að nýta sér helgarleigu orlofshúsa SFR. Það er fátt notalegra en að hafa það huggulegt í rökkrinu í heitum potti eftir góðan dag í berjatínslu. Næstu vikurnar er eitthvað af lausum húsum í Vaðnesi og víðar. Kíkið inn á orlofsvefinn til að fá nánari upplýsingar og bóka.

12. ágúst 2015

Stefnubreyting við sameiningu stofnana

alma netÍ grein í Fréttablaðinu í dag skrifar Alma Lísa Jóhannsdóttir, ráðgjafi hjá SFR, um sameiningar stofnana. „Ef litið er til þeirrar aðferðafræði sem notuð hefur verið við sameiningu stofnana á undanförnum árum má sjá að nú hefur átt sér stað stefnubreyting. Hún birtist með þeim hætti að stjórnvöld telja nú mikilvægt, jafnvel nauðsynlegt, að segja öllu starfsfólki upp við sameiningar stofnana.“

20. júlí 2015

Vinnukvíði eftir sumarorlof?

Alma Lísa Jóhannsdóttir ráðgjafi hjá SFR kemur úr sumarfríi:

Fjögurra vikna sumarfríi er lokið. Liðnar vikur hafa snúist um samveru með fjölskyldu og vinum, afslöppun og ævintýri. Fyrir utan skrifstofugluggann skín sólin eins og svikari. Grámi hversdagsins fyllir hugann og þú finnur fyrir smá depurð og kvíða. Orkan ætti að vera á hápunkti en er jafn fjarverandi og rigningarskýin fyrir utan gluggann. Skjalabunkinn á borðinu hefur náð nýjum hæðum og stresshrukkurnar eru við það að myndast þrátt fyrir afbragðs kaffibolla í upphafi dags. Fyrsti vinnudagur eftir frí.