Fréttir og greinar

11. mars 2019

Skattframtal 2019 - frádráttur á móti styrkjum

Nú fer hver að verða síðastur að skila inn skattframtali og því minnum við félagsmenn sem fengu styrk á árinu 2018 að huga að því hvort heimilt sé að færa kostnað til frádráttar.

07. mars 2019

Baráttufundur á alþjóðlegum baráttudagi kvenna

Á morgun 8. mars er alþjóðlegur baráttudagur kvenna og af því tilefni er blásið til baráttufundar kl. 17-18:30 í Gamla bíói, Ingólfsstræti 2a. Sameyki stéttarfélag stendur fyrir fundinum ásamt fjölmörgum fleiri aðilum. Við hvetjum félagsmenn til að fjölmenna á baráttufundinn.

01. mars 2019

Trúnaðarmenn og fulltrúar Sameykis funda

Fjölmennur fundur trúnaðar- og frulltrúaráðs var í gær þar sem rætt var m.a. um kröfugerðir og lífeyrismál.

01. mars 2019

Heilbrigðisgagnafræði – nýtt starfsmiðað grunnnám á háskólastigi

Starf læknaritara hefur þróast hratt á undanförnum árum og er ánægjulegt að segja frá því að næsta haust hefst nám í heilbrigðisgagnafræði sem er í takt við þá þróun, en það kemur í stað náms í læknaritun við Fjölbrautaskólann í Ármúla.

27. febrúar 2019

Undirbúningur kjaraviðræðna hafinn

Það var mikill hugur í félögum Sameykis hjá ISAVIA sem fjölmenntu á kjaramálafund ISAVIA sem haldnir voru í gær og í dag. Lífleg umræða var um áherslupunktana sem mikið hafa verið í umræðunni þessa dagana. Það var mikil samstaða og fram komu skýrar kröfur um styttingu vinnuvikunnar, réttlátara skattkerfi, mannvænna starfsumhverfi og hækkun launa.

26. febrúar 2019

Könnunin þín farin af stað!

Næstu daga munu félagsmenn Sameykis fá könnun um Stofnun ársins og launakönnun senda í tölvupósti. Það tekur nokkra daga að ná því að senda út til allra en vonandi verða allir komir með könnunina eftir næstu viku. Við hvetjum alla til þess að gefa sér tíma til þess að svara henni eins ítarlega og þeir geta. Niðurstöðurnar eru okkur öllum afar mikilvægar og gefa góðar upplýsingar um stöðuna úti á stofnunum, um líðan starfsfólk og fleira.

22. febrúar 2019

Skattatillögur ganga ekki nægilega langt

Formannaráð BSRB ályktaði um tillögur stjórnvalda að breytingum á skattkerfinu, sem kynntar voru nýlega. Formannaráðið telur að tillögurnar gangi ekki nægilega langt í átt að jöfnuði og réttlæti í samfélaginu og harmar hversu litlar lækkanir séu skammtaðar þeim lægst launuðum og hversu seint þær koma til framkvæmda. „Tillögur ríkisstjórnarinnar fela í sér að á næstu þremur árum verði skattbyrði einstaklinga lækkuð sem nemur alls 6.760 krónum mánaðarlega. Breytingarnar eiga að koma í þremur áföngum og á sá fyrsti ekki að koma til framkvæmda fyrr en í byrjun árs 2020 þegar skattbyrðin á að lækka um 2.253 krónur. Það veldur vonbrigðum hve lítil lækkunin er og enn meiri vonbrigðum hversu seint hún á að koma til framkvæmda,“ segir meðal annars í ályktun formannaráðsins.

19. febrúar 2019

Samninganefnd Sameykis fundar með Reykjavíkurborg

Fyrsti fundur samninganefnda Sameykis var haldinn í gær með samninganefnd Reykjavíkurborgar.

15. febrúar 2019

Ofurlaun vanvirðing við launafólk

Árni Stefán Jónsson formaður Sameykis stéttarfélags í almannaþjónustu segist fordæma þá ofurlaunastefnu sem bankastofnanir í eigu ríkisins hafa kosið að taka. Laun bankastjóra séu langt umfram það sem eðlilegt getur talist og fréttir af launahækkunum um tugi prósenta eru hrein vanvirðing við allan þorra launafólks.

14. febrúar 2019

Viðræðuáætlun við Samband íslenskra sveitarfélaga undirrituð

Árni Stefán Jónsson formaður Sameykis og Garðar Hilmarsson varaformaður heimsóttu skrifstofu Sambands íslenskra sveitarfélaga og hittu þar Aldísi Hafsteinsdóttir formann Sambands íslenskra sveitarfélaga, Ingu Rún Ólafsdóttur, sviðsstjóra kjarasviðs og formann samninganefndar Sambandsins og Karl Björnsson framkvæmdastjóra.