Fréttir og greinar

13. mars 2014

Fundur vegna fyrirhugaðs verkfalls framhaldsskólakennara

Vegna fyrirhugaðs verkfalls framhaldsskólakennara boðar SFR  til upplýsingafundar fyrir félagsmenn sína sem starfa innan framhaldsskólakerfisins. Á fundinum verður farið yfir stöðu félagsmanna SFR ef til verkfalls kemur.

Fundurinn verður haldinn miðvikudaginn 19. mars kl. 15,  í húsnæði BSRB að Grettisgötu 89, Reykjavík, 1. hæð. Fundurinn verður sendur út í streymi fyrir félagsmenn á landsbyggðinni. Nánari upplýsingar um streymið veitir alma@sfr.is

06. mars 2014

Stofnun ársins könnun – munið happdrættið

- Þú ferð í „pottinn“ ef þú svarar

SFR hvetur alla félagsmenn til að taka þátt í könnuninni Stofnun ársins en við höfum verið stolt af góðri þátttöku undanfarin ár sem hefur skapað grunn að áreiðanlegum niðurstöðum. Þeir sem svara könnuninni verða sjálfkrafa með í happdrætti þar sem 6 vinningar eru í boði, tvö gjafabréf hjá Icelandair að andvirði 60 þúsund krónur, tvisvar x tveir aðgöngumiðar að Iceland Airwaves hátíðinni 2013 og tvisvar x helgardvöl í orlofshúsi SFR að eigin vali utan úthlutunartíma.



03. mars 2014

Hrísey og Bolungarvík í maí

Þann 3. mars opnar fyrir bókanir í orlofshús í Hrísey sem verður í dagleigu frá 16. maí til maíloka og Bolungarvík út maímánuð.  Þarna gildir reglan fyrstur bókar fyrstur fær og engir punktar verða teknir vegna leigunnar. Hrísey verður á dagleiguverði 16.000 helgin og aukadagur kostar 3.000 kr. Bolungarvík verður á 20.000 kr. helgin og aukadagur kostar 4.000 kr. Á orlofsvefnum er nú einnig í boði gjafabréf hjá Icelandair og Flugfélagi Íslands. Allt að 7 miðar á mann.

 

24. febrúar 2014

Könnunin á leið til félagsmanna - tökum þátt

Nú eru að hefjast útsending á könnunni um Stofnun ársins og launakönnuninni til félagsmanna SFR. Með þátttöku  geta félagsmenn lagt sitt af mörkum í baráttunni fyrir betra vinnuumhverfi og bættum starfskjörum.

 

17. febrúar 2014

Símenntun og kjaraviðræður á fundi trúnaðarmanna

Á fundi Trúnaðarmannaráðs í síðast liðinni viku var m.a. fjallað ítarlega um símenntunarmöguleika félagsmanna. Eyrún Valsdóttir skólastjóri Félagsmálaskóla alþýðu kynnti skólann og Þórarinn Eyfjörð fjallaði um nýjar hugmyndir félagsins að fræðslu fyrir félagsmenn SFR.

13. febrúar 2014

Fundur stjórnar Starfsmenntunarsjóðs SFR frestast

Af óviðráðanlegum orsökum frestast fundur hjá stjórn Starfsmenntunarsjóðs SFR sem vera átti í dag. Nýr fundartími verður settur á vefinn strax og hann liggur fyrir.