Fréttir og greinar

02. mars 2022

„Hjarta okkar slær með Úkraínu“

Samtök opinberra starfsmanna PSI og EPSU í Evrópu héldu sameiginlegan fund í morgun þar sem kom fram fullkomin samstaða allra stéttarfélaga í löndum innan og utan Evrópu með opinberum starfsmönnum og almenningi í Úkraínu. Stríðið sem nú geysar í Úkraínu vegna innrásar Rússlands í landið hefur lamað innviði þess. Opinberir starfsmenn í Úkraínu reyna eftir bestu getu að veita opinbera þjónustu og halda stofnunum landsins gangandi en opinberir starfsmenn falla einnig í árásunum og innviðir landsins eru því mjög laskaðir vegna sprengjuárása Rússa á opinberar stofnanir.

28. febrúar 2022

Dregið í happdrætti Stofnun ársins

Allir sem luku við að svara könnuninni Stofnun ársins fóru sjálfkrafa í happdrættispott Sameykis og úr hópi svarenda voru alls dregnir út 12 vinningar úr innsendum svörum.

24. febrúar 2022

Fjölmenning og jafnrétti í víðum skilningi

Dr. Hallfríður Þórarinsdóttir hélt fróðlegt erindi hjá trúnaðarmannaráði Sameykis í dag sem hún nefnir Margmenning á vinnustað - Áskoranir og úrlausnir. Þar greindi hún raunveruleikann um jafnrétti, jafnræði og réttlæti í samfélaginu óháð kyni, hörundslitar og stöðu út frá því þegar fólk hefur samræður á vinnustað og út í samfélaginu.

23. febrúar 2022

Aðalfundur Sameykis verður haldinn 31. mars

Aðalfundur Sameykis stéttarfélags í almannaþjónustu verður haldinn 31. mars 2022 á 2. hæð á Hilton hótelinu við Suðurlandsbraut 2, 108 Reykjavík, klukkan 16:30. Á dagskrá verður skýrsla stjórnar um starfsemi Sameykis á síðasta ári. Lagðir verða fram endurskoðaðir reikningar síðasta árs. Kosning löggilts endurskoðanda ásamt tveimur skoðunarmönnum og tveimur til vara.

21. febrúar 2022

Stofnun ársins og málþing á næsta leyti

Sameyki stéttarfélag í almannaþjónustu hefur staðið fyrir Stofnun ársins síðan 2006. Nú í ár verða niðurstöður könnunar Stofnun ársins kynntar 16. mars nk. við hátíðlega athöfn á Hilton Nordica hóteli. Þar verða verðlaunahafar heiðraðir, viðurkenningar veittar og málþing sett í framhaldi um mannauðsmál undir heitinu, Vellíðan og vöxtur með betri vinnutíma.

21. febrúar 2022

Orlofsblað Sameykis komið út

Í nýju orlofsblaði Sameykis sem fer í póst til félagsfólks í dag má finna allar upplýsingar um orlofseignir félagsins sem standa félagsmönnum til boða í úthlutun í sumar. Einnig eru í blaðinu kynntar eignir sem verða einungis í dagleigu í sumar og eru þær merktar sérstaklega í flipa við hvert hús. Félagið á nú 69 eignir, þar af þrjár á Spáni. Sameyki leggur mikla áherslu á að bjóða félagsmönnum upp á falleg orlofshús með góðri aðstöðu í fallegu umhverfi.

17. febrúar 2022

Barátta er framundan

Nú erum við komin inn á nýtt ár kjarasamninga. Kjarasamningar á almenna vinnumarkaðnum eru lausir í haust um mánaðamótin október/nóvember og kjarasamningar á opinbera markaðnum eru síðan lausir í lok marsmánaðar 2023. Það liggur fyrir að ýmislegt hefur farið á annan veg en áætlað var þegar skrifað var undir lífskjarasamningana, sem núverandi samningar hafa verið kallaðir.

15. febrúar 2022

Tímarit Sameykis á leið til félagsfólks

Í glóðvolgu tímariti Sameykis sem runnið er af færibandinu úr prenstmiðju til félagsfólks í Sameyki kennir ýmissa grasa. Þórarinn Eyfjörð, formaður Sameykis, skrifar um að hagsmunaöfl sérgæskunnar knýi nú á, í aðdraganda kjarasamninga, um að fjármálaelítan fái upp í hendurnar eignir almennings á spottprís og geti síðan mergsogið almenning í gegnum þær stofnanir. Þá fjallar hann um rangfærslur þær sem Samtök atvinnulífsins hafa haldið fram að opinberum starfsmönnum fjölgi stjórnlaust, séu á ofurlaunum og leiði launaþróunina í landinu.

15. febrúar 2022

Félagsfundur á Suðurlandi

Rafrænn félagsfundur með félagsfólki Sameykis á Suðurlandi verður haldinn á morgun, miðvikudag 16. febrúar, klukkan 10. Við hvetjum allt félagsfólk í Sameyki á Suðurlandi til að taka þátt í fundinum þar sem umræðuefnin verða réttindamál, kjaramál, heimavinna í heimsfaraldrinum og viðhorf félagsfólks til hennar. Formaður Sameykis fjallar um umræður um opinbera starfsmenn í samfélaginu og mikilvægi þeirra starfa sem þeir sinna, jöfnun launa á milli markaða ofl.

14. febrúar 2022

BSRB fagnar 80 ára afmæli bandalagsins í dag!

Sameyki óskar BSRB til hamingju með 80 ára afmælið í dag. Á vef BSRB segir að í dag sé full ástæða til að óska rúmlega 23 þúsund landsmönnum með afmælið. BSRB á 80 ára afmæli í dag, 14. febrúar. Bandalagið samanstendur af 19 öflugum stéttarfélögum með rúmlega 23 þúsund félagsmenn og það eru þeir sem eiga þennan dag enda er bandalagið til fyrir félagsmennina.