Fréttir og greinar

07. nóvember 2013

Kjarasamningsviðræður formlega hafnar

Nú stendur yfir fyrsti formlegi fundur samninganefndar SFR og ríkisins hjá sáttasemjara. Þar hefur kröfugerð félagsins verið kynnt og áhersluatriði félagsins dregin fram.

31. október 2013

Lífeyrisgáttin - ný upplýsingaleið lífeyrissjóðanna

Lífeyrissjóðir landsins opnuðu í gær aðgang að Lífeyrisgáttinni, nýrri leið sjóðfélaga til að fá á einum stað upplýsingar um áunnin lífeyrisréttindi sín í samtryggingarsjóðum. Þennan dag mun LSR hafa opið til kl. 19 og bjóðum við sjóðfélaga velkomna í hús.

25. október 2013

Netsamband í Munaðarnesi

Eins og gestir í Munaðarnesi hafa væntanlega orðið varir við þá hefur netsamband þar alls ekki verið nógu gott. Rekstrarfélag orlofshúsanna í Munaðarnesi er nú í viðræðum við Vodafone um að koma upp 4G netsambandi í Munaðarnesi. Það mun vonandi ganga fljótt og vel fyrir sig og mun verða auglýst þegar það er frágengið.

25. október 2013

Málþing BSRB um mikilvægi öflugrar heilbrigðisþjónustu

Málþing um mikilvægi öflugrar heilbrigðisþjónustu og þann mannauð sem þar starfar verður haldið á vegum BSRB að Grettisgötu 89, þann 31. október 2013. Dagskráin hefst kl. 13:00 með setningu formanns BSRB og svo mun heilbrigðisráðherra flytja ávarp. Málþingið er öllum opið.

Ráðstefnan er öllum opin en á dagskrá er meðal annars hugleiðing Rúnars Vilhjálmssonar um árangursríka heilbrigðisþjónustu, erindi Önnu Stefánsdóttur, fyrrverandi hjúkrunarforstjóra Landspítala, um mannauð heilbrigðisþjónustunnar og þverfaglega samvinnu. Einnig mun Sigríður Ingibjörg, formaður velfeðarnefndar alþingis, flytja erindi sem hún kallar Gerir alþingi sér grein fyrir stöðu heilbrigðismála í dag.

Dagskrá fundarins verður send út á vefnum fyrir þá sem ekki komast á staðinn og upptaka af fundinum verður sömuleiðis aðgengileg á vef að honum loknum.

24. október 2013

Til hamingju með daginn

Í dag er alþjóðlegur baráttudagur kvenna. Í dag láta jafnréttissinnaðar konur og karlar í sér heyra. Áratugurinn 1975-1985 var opinber kvennaártugur Sameinuðu þjóðanna. Hann hófst á hinum margfræga kvennafrídegi 24. október árið 1975 en þann dag fylktu íslenskar konur liði á Lækjartorgi í Reykjavík og víðar um land og héldu upp á baráttudag kvenna með ræðuhöldum og söng.

22. október 2013

Ályktun stjórnar BSRB um fjárlagafrumvarp

Í frétt á vef BSRB er sagt frá því að á fundi stjórnar BSRB síðastliðinn föstudag var m.a. fjallað um stöðu mála í komandi kjarasamningsviðræðum, stöðuna í viðræðum um lífeyrismál og fjárlagafrumvarp ríkisstjórnarinnar. Þá sendi stjórnin frá sér ályktun þar sem meðal annars segir: „Tekjuskattslækkun á 2. skattþrepi mun aðeins koma þeim tekjuhærri til góða og í reynd hækka hlutfallslega skattbyrði þeirra sem lægst hafa launin.“

18. október 2013

Búið að opna fyrir skráningu á fræðslu trúnaðarmanna

Grunnnám trúnaðarmanna sem SFR og Starfsmannafélag Reykjavíkurborgar hafa haldið sameiginlega til margra ára hefur verið endurskoðað og er búið að setja upp þrjú námskeið veturinn 2013-2014. Þá er einnig boðið upp á fræðslumorgunn á undan fundi trúnaðarmanna þann 26. nóv. kl. 10-12:15 en þar verða tekin fyrir spurningar og svör sem tengjast kjarasamningi.

16. október 2013

Sameiginlegur fundur samninganefnda SFR

Fyrsti sameiginlegi fundur samninganefnda SFR stendur nú yfir hjá ríkissáttasemjara. Þar fara fulltrúar í öllum samninganefndum SFR yfir kröfugerðir og stilla saman strengi sína. Mikill hugur er í fólki varðandi samningana framundan.

16. október 2013

Raunfærnimat fyrir þá sem langar að fara í félagsliðanám

Viltu verða félagsliði og fá starfsreynslu, fyrra nám og vel leyst lífsverkefni metin til framhaldsskólaeininga? Ertu 25 ára eða eldri? Hefurðu starfað í 3 ár eða lengur með fötluðu fólki, öldruðum eða sjúkum? Hefurðu lokið a.m.k. 240 stundum í starfstengdu námi, til dæmis grunn- og framhaldsnámi fyrir stuðningsfulltrúa? Ef þú svarar öllum þessum spurningum játandi er upplagt fyrir þig að skrá þig í raunfærnimat félagsliða hjá Starfsmennt.

14. október 2013

Trúnaðarmannaráð SFR ályktar um kjaramál

Trúnaðarmannaráð SFR ályktaði um kjaramál á fundi sínum í síðustu viku. Ráðið gerir þá kröfu á stjórnvöld að næstu kjarasamningar feli í sér verulega kaupmáttaraukningu enda hafa launafólk lagt mikið á sig á síðast liðnum árum til þess að tryggja stöðugleika.