Fréttir og greinar

25. janúar 2022

Skrifstofu Sameykis lokað á Akranesi

Nú hefur skrifstofu Sameykis við Suðurgötu 62 á Akranesi verið lokað. Dregið hefur úr verkefnum skrifstofunnar á Akranesi smátt og smátt, ekki síst vegna þess að rafrænum lausnum hefur fjölgað á vefnum þar sem hægt er að fræðast og sækja sér gögn og upplýsingar um kjaramál, styrktarsjóði, orlofsmál, fræðslumál, kannanir og fá fréttir úr starfi Sameyki

21. janúar 2022

Réttlæti og jöfn tækifæri fyrir alla

Undanfarin tvö ár höfum við tekist á við heimsfaraldur með gríðarlegum áskorunum fyrir bæði heilsu og efnahag. Efnahagshorfurnar nú eru þó mun bjartari en spár gerðu ráð fyrir en álagið á heilbrigðisstofnanir, félagsþjónustuna, skóla, frístundastarf og fjölskyldur er þrátt fyrir það mikið þessa dagana vegna útbreiðslu faraldursins. Erfiðleikar undangenginna ára hafa líka lagst með mismunandi hætti á íbúa landsins. Þau ríkustu hafa orðið enn ríkari vegna hækkandi eignaverðs en lágtekjufólk hefur borið skarðan hlut frá borði. Eitt af stærstu verkefnum samtaka launafólks á hverjum tíma er að stuðla að auknum jöfnuði. Við berjumst fyrir því að verðmætunum sé skipt með jafnari hætti. Könnun Vörðu – Rannsóknarstofnunar vinnumarkaðarins á stöðu launafólks er liður í því að kortleggja stöðu félaga í aðildarfélögum ASÍ og BSRB, sem eru tæp 70 prósent alls launafólks á íslenskum vinnumarkaði. Niðurstöðurnar geta orðið grundvöllur aðgerða til að bregðast við skorti á efnislegum gæðum og þjónustu.

20. janúar 2022

Páskatímabil innanlands og sumarið á Spáni 2022

Opnað hefur verið fyrir umsóknir á Orlofshúsavef Sameykis, orlof.is/sameyki, innanlands og á Spáni fyrir sumarið 2022. Vegna páskanna innanlands er umsóknartímabilið frá 20. janúar til 20. febrúar. Hægt er að fylla út umsóknir um orlofshús á Orlofshúsavefnum á þessu tímabili. Úthlutað verður 25. febrúar eftir punktakerfi.

20. janúar 2022

Hækkun launataxta um áramótin

Frá og með síðastliðinum áramótum hækka launataxtar á bilinu 17.000 – 25.000 kr., mismunandi eftir launatöflum og launaflokkum. Hækkunin kemur til útgreiðslu í flestum tilvikum næstkomandi mánarmót 1. febrúar, þ.e. fyrir starfsmenn sem eru á eftir á greiddum launum.

20. janúar 2022

Tekjur, ójöfnuður og vegasalt gildismatsins

Sara Sigurbjörns- Öldudóttir, sérfræðingur í vinnumarkaðsmálum hjá ASÍ, var gestur hjá á fundi fulltrúaráðs Sameykis í gær og fjallaði um í erindi sínu, Tekjur, ójöfnuður og vegasalt gildismatsins, um hvernig efnahagslegum gæðum er skipt í íslensku samfélagi með áherslu á launatekjur. Hún fjallaði sérstaklega um viðhorf almennings til tekju(ó)jöfnuðar og niðurstöður rannsókna Dr. Sigrúnar Ólafsdóttur og Dr. Jóns Gunnars Bernburgs, prófessora í félagsfræði við Háskóla Íslands, þar á. Viðhorf almennings eru mikilvægur grundvöllur í samhengi lýðræðisins. Sérhagsmunahópar hafa áhrif á mótun og viðhorf almennings og þar af leiðandi er merkilegt að sjá í því samhengi hvernig þau birtast.

19. janúar 2022

Sameyki vonar að ekki komi til átaka á vinnumarkaði

Þórarinn Eyfjörð, formaður Sameykis, setti fund í fulltrúaráði félagsins í dag sem haldinn var með fjarfundarbúnaði. Bauð Þórarinn gesti velkomna og kynnti dagskrá fundarins sem var: Tekjur, ójöfnuður og vegasalt gildismatsins í umsjón Söru Sigurbjörns- Öldudóttur, sérfræðings í vinnumarkaðsmálum hjá ASÍ. Undirbúning aðalfundar og skipun laganefndar Sameykis, framboði í jafnréttisnefnd, umhverfis-og loftlagsnefnd og nefnd um félagsleg málefni. Þá kynnti Kristín Erna Arnardóttir fræðsludagskrá trúnaðarmanna á vorönn og loks var á dagskrá fundarins iðgjöld í Vinnudeilusjóð og rætt var um stöðu hans.

19. janúar 2022

Skógur er auðlind

Hreinn Óskarsson sviðsstjóri þjóðskóga hjá Skógræktinni er fæddur og uppalinn á Selfossi. Hann segist hafa byrjað sem krakki að vinna í skógum hjá Skógrækt ríkisins og því snemma fengið áhuga þeim lífstíl að sinna skógrækt.

19. janúar 2022

Fjárhagsstaða launafólks versnað milli ára

Tæplega þriðjungur vinnandi fólks glímir við erfiða fjárhagsstöðu og á erfitt með að ná endum saman samkvæmt nýrri könnun sem Varða – Rannsóknarstofnun vinnumarkaðarins framkvæmdi nýverið. Könnunin sýnir að staðan hefur versnað síðasta árið.

19. janúar 2022

Kynning á könnun Vörðu um stöðu launafólks

BSRB og ASÍ bjóða til veffundar þar sem kynntar verða niðurstöður spurningakönnunar Vörðu – Rannsóknarstofnun vinnumarkaðarins um stöðu launafólks. Meðal þess sem fram kemur í niðurstöðunum er að ríflega þriðjungur launafólks glímir við erfiða fjárhagsstöðu og hefur fjárhagsstaðan versnað frá síðasta ári.

17. janúar 2022

Skrifstofum Sameykis lokað vegna sóttvarnaraðgerða

Vegna hertra sóttvarnaraðgerða hefur BSRB-húsinu verið lokað og þar með skrifstofum Sameykis fyrir almennum heimsóknum í ótilgreindan tíma þar til slakað verður á aðgerðum stjórnvalda á nýjan leik.