Fréttir og greinar

Í dag er 8. mars sem er alþjóðlegur baráttudagur kvenna. Í tilefni dagsins er ýmislegt fróðlegt og skemmtilegt á seyði. Á Grandhótel standa  BSRB, Kennarasambands Íslands, Jafnréttisstofa, Jafnréttisráð, ASÍ og BHM að baráttufundi þar sem m.a. fjallað verður m.a. um ungt fólk og jafnrétti, starfsval og klámvæðingu. Í Iðnó verður boðið til baráttufundar fyrir friði og jafnrétti kl. 17, það verður fjallað um stríð gegn konum, launamisrétti, femínisma og aktívisma og fleira.

Skálatún á Akureyri var að losna um helgina (fim-sun), þá er einnig laust á Blönduósi, Hólum í Hjaltadal og Öndverðarnesi. Bókist á www.sfr.is/orlofsvefur

SFR bíður félagsmönnum upp á námskeið sem er ætlað sem undirbúningur fyrir launaviðtalið, en það verður sífellt algengara að ákvæði um launaviðtal sé sett inn í stofnanasamninga. Næsta námskeið verður mánudaginn 28. febrúar kl. 16:15-18:45. Skráning hér.

Átaksverkefnið Liðsstyrkur miðar að því að virkja atvinnuleitendur, sem hafa fullnýtt eða munu fullnýta rétt sinn innan atvinnuleysistryggingakerfisins á árinu 2013, til þátttöku að nýju á vinnumarkaði. Átakið hefur farið vel af stað og eru fjölmargir sem hafa verið án atvinnu til lengri tíma að snúa aftur á vinnumarkaðinn fyrir tilstuðlan Liðsstyrks.

Vinnuvernd ehf. og Mannvit hf. standa fyrir námskeiði sem ætlað er vinnuverndarfulltrúum. Námskeiðið fer fram í Reykjavík 26. feb. og 5. mars milli kl. 8:30-15:30. Markmiðið með námskeiðinu er að vinnuverndarfulltrúar öðlist grunnþekkingu á vinnuvernd í samræmi við lög nr. 46/1980. Skráning fer fram á www.vinnuvernd.is.