Fréttir og greinar

27. maí 2016

BSRB og ASÍ stofna íbúðafélag fyrir tekjulægri

Stjórn BSRB hefur samþykkt að bandalagið verði, ásamt ASÍ, stofnaðili að nýju íbúðafélagi sem ætlað er að leigja út íbúðir til tekjulægri hópa. Ákvörðun stjórnarinnar var kynnt á aðalfundi bandalagsins í gær. BSRB verður stofnaðili að félaginu ásamt ASÍ og mun leggja til 20 prósent stofnframlags til nýs félags, alls 2 milljónir króna.

19. maí 2016

Ermasund, örorka og stofnanasamningar á trúnaðarmannaráðsfundi

Sigrún Þuríður Geirsdóttir, Ermasundsfari hreif trúnaðarmenn SFR með sér í ævintýralegt ferðalag með frásögn sinni af sundinu á fundi trúnaðarmannaráðsins í gær. Sigrún er fyrsta og eina íslenska konan sem synt hefur ein yfir Ermasundið, en það gerði hún í ágúst á síðasta ári. Sigrún sagði frá reynslu sinni á trúnaðarmannaráðsfundi SFR í gær en sundið tók hana rúma 22 klst og hún synti alls yfir 62 km.

13. maí 2016

Stofnun ársins 2016 - myndir

Sigurvegurum í könnuninni um Stofnun ársins voru veitt viðurkenning í Hörpunni í gær við hátíðlega athöfn. Mikið fjölmenni var og sannkölluð hátíðarstemmning í loftinu. Titlana eftirsóttu hlutu Ríkisskattstjóri, Menntaskólinn á Tröllaskaga og Héraðsdómur Suðurlands sem eru Stofnanir ársins 2016. Hástökkvari ársins er Framhaldsskólinn á Laugum. Myndir frá hátíðinni má sjá hér.

11. maí 2016

Sigurvegarar í Stofnun ársins kynntir í dag

Nöfn sigurvegaranna úr könnuninni um Stofnun ársins 2016 verða kynnt við hátíðlega athöfn í Hörpunni í dag og hefur fulltrúum þeirra stofanana sem þátt tóku í könnuninni verið send boðsbréf. Niðurstöðurnar verða birtar hér á vefnum strax í kjölfarið eða um kl. 18:30.

11. maí 2016

Afmæli lífeyrisdeildar SFR - kaffisamsæti 28. maí

Í lok maí fagnar lífeyrisdeild SFR 40 ára afmæli sínu. Af því tilefni býður SFR félagsmönnum í LSFR til kaffisamsætis sem haldið verður á Grand Hótel Reykjavík, Sigtúni 38, laugardaginn 28. maí kl. 15:00. Nauðsynlegt er að skrá sig sem fyrst, en velkomið er að bjóða með sér einum gesti.

SKRÁ SIG HÉR

01. maí 2016

maí Reykjavík

Það var kröftug ganga sem gekk niður Laugaveginn í Reykjavík í dag á baráttudegi launafólks í mildu vorveðri. Baráttufólkið lét rigningardropana engin áhrif hafa eins og myndirnar sýna.

01. maí 2016

Samstaða – sókn til nýrra sigra! 1. maí ávarp

Á yfirstandandi kjörtímabili og nú á síðustu vikum, hefur almenningur fengið staðfestingu á að í þessu landi búa tvær þjóðir. Yfirstéttin, sem nýtur auðæva sinna og býr við allt annað hagkerfi,- og síðan við hin, venjulegir Íslendingar. Við sjáum hvernig stjórnvöld hafa breytt skattkerfinu til hagsbóta fyrir auðmenn; auðlegðarskatturinn var aflagður, það er búið að færa útgerðarauðvaldinu tugi milljarða í lækkuðum veiðigjöldum, ferðaþjónustan er á afsláttarskatti, skattur á erlenda auðhringa sem starfa hér á landi er skila erlendum eigendum sínum ofurhagnaði en skila engum sköttum til samfélagsins og svo má lengi telja. Kjarninn í allri skattastefnu núverandi stjórnvalda er lækkun skatta á þá sem telja sig, og ætla sér, að eiga Ísland og auðlindir landsins.

29. apríl 2016

Hvar ætlar þú að ganga?

Samstaða - sókn til nýrra sigra er sameiginleg yfirskrift 1. maí í ár. Í orðunum felast hvatning til okkar allra til þess að sýna samstöðu í verki og sækja fram. 1. maí göngur og hátíðarhöld eru skipuögð um land allt og hvetjum við SFR félaga, vini og fjölskyldur til þess að fjölmenna og fylkja sér undir fána félagsins. Við minnum á að í Reykjavík býður BSRB upp á veglegt kaffi að loknum hátíðarhöldum í BSRB húsinu, Grettisgötu 89.
Hér má finna lista yfir göngur og hátíðarhöld víða um land.

27. apríl 2016

maí er á sunnudaginn

1. maí er á sunnudaginn. Þann dag þurfum við launafólk að standa saman. Sjáumst í kröfugöngu um land allt.