Fréttir og greinar

29. nóvember 2017

Samstarf félaganna rætt á stefnufundi

Trúnaðarmenn og fulltrúar SFR og St.Rv. héldu sameiginlegan stefnufund á Grand hótel í gær. Alls komu þar saman rúmlega 120 manns sem eru virkir í trúnaðarmannastörfum fyrir félögin. Á fundinum kynnti Gylfi Dalmann dósent við Háskóla Íslands greinargerð um hagkvæmni aukins samstarfs eða sameiningar félaganna sem hann vann fyrir félögin.

28. nóvember 2017

Vel heppnað aðventukvöld

Aðventukvöld félaganna sem haldið var síðastliðinn fimmtudag tókst afar vel en um fimmtíu manns komu og hlýddu á upplestur og söng. Það voru þau Mikael Torfason, Kristín Steinsdóttir og Eiríkur Bergmann sem lásu upp úr nýútkomnum bókum sínum og Ebba Dís Arnarsdóttir söngnemi í Söngskóla Sigurðar Demetz söng nokkur jólalög. Kvöldið er hjá mörgum orðið tákn um upphaf jólaaðventunnar enda fátt jólalegra en heitt súkkulaði og upplestur úr nýjum jólabókum.

24. nóvember 2017

Ef óveður og/eða ófærð hamlar vinnusókn

Nú er langt síðan að veðrið hefur látið svona illa og því ástæða til að rifja upp réttarstöðu starfsmanna þegar þeir komast ekki til vinnu vegna ófærðar

16. nóvember 2017

Konfektgerð og meðvirkni - laus pláss á námskeið

Gott að vita námskeiðin okkar eru jafnan vinsæl og fyllast oftast fljótt og vel, en stundum kemur eitthvað upp á og pláss losna.

15. nóvember 2017

Þekkirðu góðar íbúðir eða sumarhús?

SFR - stéttarfélag í almannaþjónustu óskar eftir íbúðum eða sumarhúsum á Siglufirði, Ísafirði og Höfn í Hornafirði eða nágrenni til framleigu fyrir félagsmenn sína sumarið 2018. Einungis fullfrágengið húsnæði í góðu ásigkomulagi kemur til greina og lóðir þurfa einnig að vera fullfrágengnar.

14. nóvember 2017

Miðar á jólaball - sala hefst 15. nóvember

Við byrjum að selja miða á jólaball SFR og St.Rv. á morgun, miðvikudaginn 15. nóvember. Miðarnir eru seldir á skrifstofu félaganna Grettisgötu 89, 4. hæð og kostar hver miði 700 kr. Jólaballið verður síðan haldið laugardaginn 9. desember kl. 14:00 að Gullhömrum, Reykjavík.

13. nóvember 2017

Starfsdagur - skrifstofan opin

Starfsfólk og stjórn SFR sitja nú á starfsdögum í dag og fram að hádegi á morgun, þriðjudag. Skrifstofan er þó opin með lágmarksþjónustu og svarað verður í síma. Starfsfólk mun hins vegar ekki geta sinnt stærri erindum fyrr en að loknum starfsdögum.

01. nóvember 2017

Barátta opinberra starfsmanna á alheimsvísu

Umræðuefnin á Alheimsþingi PSI (Public service International) sem fram fer nú í vikunni í Genf eru fjölmörg. Yfirskrift þingsins er People over Profit. Á þinginu eru helstu stefnu- og baráttumál PSI á heimsvísu. Málefnin eru fjölmörg og meðal annars þess sem er rætt um einkavæðingin sem virðist tröllríða öllum opinberum stofnunum hvar sem er í heiminum, barátta einstakra þjóða svo sem barátta Filippseyinga fyrir viðurkenningu á réttindum starfsmanna, barátta japanskra slökkviliðsmanna til að stofna stéttarfélög í skugga kjarnorkugeilsunar og jarðskjálfa, öryggi heilbrigðisstarfsmanna hvort heldur sem er á vesturlöndum eða í miðjum ebólu-faraldri í Líberíu og baráttan gegn skattaundanskotum stórfyrirtækja sem er umfangsmikil og á alheimsvísu. Þá er einnig fjallað um mannréttindi, umhverfismál, innflytjendur og mikilvægt framlag þeirra til vinnumarkaðarins, flóttafólk og mögulega fjölgun þeirra í framtíðinni, nýjar áskoranir, framtíðarvinnumarkaðinn, tæknibreytingar og fjölmargt fleira.

27. október 2017

Nýtum rétt okkar og kjósum

SFR hvetur alla félagsmenn sína til þess að nýta lýðræðislegan rétt sinn og kjósa í alþingiskosningunum á morgun laugardaginn 28. október. Niðurstöður kosninganna skipta miklu fyrir okkur sem launafólk og ekki síst sem opinbera starfsmenn BSRB opnaði í byrjun mánaðar kosningavef með þeim höfuðáherslum sem bandalagið telur að leggja beri áherslu á, kíktu á kosningavef BSRB.

26. október 2017

Líf og fjör á námskeiði trúnaðarmanna

Það er alltaf gaman þegar fundarsalurinn á 1. hæðinni á Grettisgötunni fyllist af áhugasömum trúnaðarmönnum á námskeiði. Nú stendur yfir svokölluð Lota 1 í trúnaðarmannanáminu. Tæplega 20 trúnaðarmenn frá SFR munu nú taka heila þrjá daga í að kynna sér vandlega hlutverk trúnaðarmannsins, kjara- og réttindamál o.fl. Trúnaðarmenn SFR eru um 200 talsins og eru afar mikilvægur hlekkur í starfi félagsins. Við leggjum mikla áherslu á að fræða og mennta trúnaðarmennina okkar svo þeir geti sem best leyst verkefni sín af hendi.