Fréttir og greinar

07. nóvember 2014

Trúnaðarmenn á námskeiði

Núna stendur yfir námskeið trúnaðarmanna þar sem meðal annars er fjallað um hlutverk og verkfæri trúnaðarmanna, kjarasamning, launakjör, launamyndun, starf og stefnu stéttarfélagsins. Einnig er farið í leiðtogaþjálfun. Á námskeiðinu er lögð áhersla á að trúnaðarmenn þjálfist í að vinna með kjarasamninginn og hvar sé hægt að finna svör við hinum fjölbreyttu spurningum sem þeir fá í hlutverki sínu sem trúnaðarmenn.

30. október 2014

Ljósmyndasýning: 30 ár frá verkfalli

Á vef BSRB kemur fram að fyrir réttum 30 árum síðan lauk allsherjarverkfalli BSRB og af því tilefni var sýning á ljósmyndum sem Helgi Jóhann Hauksson tók í verkfallinu opnuð kl. 14 í dag, fimmtudaginn 30. október, á 1. hæð í húsi BSRB að Grettisgötu 89. Helgi Jóhann ljósmyndari tók um 1500 ljósmyndir á meðan verkfallinu stóð og voru filmurnar glataðar í fjölda ára en komu í leitirnar ekki alls fyrir löngu. Sýningin er opin alla virka daga frá kl. 9-17.

22. október 2014

Stekkjarhóll endurnýjaður

Hús 77 (Copy) Nú hefur verið lokið við að endurbyggja og stækka tvö af fjórum húsum SFR í Stekkjarhólnum í Munaðarnesi. Húsin eru hin glæsilegustu og hefur allt verið endurnýjað með svipuðum hætti og í öðrum húsum SFR á svæðinu. Húsin verða opnuð fyrir útleigu frá og með deginum í dag næstkomandi og fram til loka febrúar, eins og önnur orlofshús SFR. Þessi áfangi endurbyggingar húsa SFR í Munaðarnes er sá næst síðasti og þegar hefur verið hafist handa við að endurbyggja tvö síðustu húsin, sem einnig eru í Stekkjarhóli. Nánari upplýsingar um húsin má finna á bókunarvefnum.

22. október 2014

Viltu öðlast grænni lífsstíl? Námskeið 23. okt. kl. 17-19:30

Go green Ásthildur B Jónsdóttir Ef svarið er já, skráðu þig þá núna, en á námskeiðinu 23. okt. verður fjallað um leiðir sem geta stuðlað að sjálfbærum lífsstíl. Þátttakendur fá þjálfun í að setja sér vörður og taka upphafs skref í átt að sjálfbærni. Verkefni sjálbærninnar verða brotin niður og sett upp í verkefnisáætlun sem þátttakendur taka með sér heim. Á námskeiðinu uppgötva þátttakendur að það er mun einfaldara og skemmtilegra að tileinka sér sjálfbærar venjur en þeir halda.

21. október 2014

Námskeið: Upplýsingaréttur almennings - Jafnréttislögin

Tvö áhugaverð námskeið á vegum Stofnunar stjórnsýslufræða og stjórnmála ætluð stjórnendum og starfsfólki hjá stofnunum ríkis og sveitarfélaga verða í boði í lok október. Annað fjallar um Upplýsingarétt almennings; Framkvæmd og túlkun upplýsingalaga nr. 140/2012. Hitt fjallar um Jafnréttislögin og áhrif þeirra á vinnumarkaði. Stendur einnig til boða í fjarnámi fyrir þá sem starfa á landsbyggðinni. Kennari á báðum námskeiðum er Kjartan Bjarni Björgvinsson lögfræðingur hjá EFTA dómstólnum. Hann hefur fengið afburða umsagnir þátttakenda í fyrri námskeiðum.

16. október 2014

Ferðalangar athugið - Hvalfjarðargöngin lokuð

Hvalfjarðargöng verða lokuð vegna malbikunar í hálfan þriðja sólarhring núna í októbermánuði. Þetta er lengsta samfellda lokun ganganna frá upphafi og reyndar í fyrsta sinn sem slitlag er endurnýjað á akbrautum þar frá því þau voru opnuð í júlí 1998. Upprunalegt malbik endist þannig margfalt betur en ráð var fyrir gert.

13. október 2014

Sótthreinsitæknanám - kynning 21. október nk.

Nýtt nám fyrir sótthreinsitækna verður kynnt á Landspítalanum þann 21. október 2014 kl. 15:00 - 16:00 í kaffistofunni á Tunguhálsi. Námið er hugsað fyrir þá sem langar að vinna við sótthreinsun og dauðhreinsun á sjúkrastofnunum. Einnig verður kynnt svokölluð brúarleið fyrir þá sem nú þegar stunda þessi störf. Fulltrúi frá SFR verður á staðnum. Um er að ræða samstarfsverkefni Fjölbrautaskólans við Ármúla og Landspítala.

09. október 2014

Opinn fundur Heilbrigðis- og velferðarnefndar BSRB

Sigríður Líllý Baldursdóttir forstjóri Tryggingastofnunar verður gestur á opnum fundi Heilbrigðis- og velferðarnefndar BSRB, föstudaginn 10.okt. kl. 15:00 í fundarsal BSRB að Grettisgötu 89.

Gestir eru velkomnir og auk þess verður vefútsending á heimasíðu BSRB.

06. október 2014

Störfum hjá ríkinu fækkað um nærri 11%

Í frétt á vef BSRB kemur fram að störfum hjá ríkinu hefur fækkað um 10,6% frá 2008. Ef litið er aftur til aldamóta má sjá að starfsmönnum ríkisins hefur fjölgað um 5,6% frá árinu 2000 á meðan fjöldi starfandi á vinnumarkaðnum öllum hefur aukist um 11,8%. Tölurnar eru byggðar á upplýsingum frá Hagstofunni og Fjármálaráðuneytinu. Þessar upplýsingar stangast á við fullyrðingar Viðskiptaráðs sem nýverið efndi til fundar um stöðu og horfur í ríkisfjármálum. Þar kom fram að ríkisstarfsmönnum hefði fjölgað um 29% frá aldamótum. Einnig var tekið fram að aðhaldsaðgerðir síðustu ára hafi ekki fækkað starfsmönnum ríkisins frá 2008 til 2014 um nema 3%. Þessar fullyrðingar eru rangar.

01. október 2014

Laun á opinberum markaði enn 17 prósent lægri

Hluti mikilvægra niðurstaðna í launakönnun SFR er samanburður á launaþróun á milli félaga, þ.e. SFR og St.Rv. sem tilheyra opinberum vinnumarkaði og VR sem tilheyrir þeim almenna. Niðurstöður könnunarinnar nú í ár sýnir okkur að launabilið á milli markaða hefur ekki minnkað og engar vísbendingar eru um að svo verði.