Fréttir og greinar

12. febrúar 2015

Orlofshús um helgina

Bollagarðar 1 útimynd (2) [1600x1200] Laust er í eftirfarandi orlofshúsum SFR um helgina; Arnarstapa, Vaðnesi, Húsafelli, Öndverðarnesi og Hólmavík. Áhugasamir bóka á orlofsvefnum.

10. febrúar 2015

Trúnaðarmannaráð ályktar

Trúnaðarmannaráð sem fundaði í dag sendir frá sér ályktun um kjaramál, þar er m.a. lögð áhersla á verulega hækkun lægstu launa og millitekjur auk styttingu vinnuvikunnar. Á fundinum hélt Ólafur Darri Andrason hagfræðingur ASÍ fróðlegt erindi um launaþróun hér á landi og sýndi sláandi niðurstöður um samanburð á launum hér á landi og á hinum Norðurlöndunum.

06. febrúar 2015

Kjaraviðræðum vísað til sáttasemjara

Samninganefnd SFR stéttarfélags í almannaþjónustu, Sjúkraliðafélags Íslands og Landssambands lögreglumanna ákvað á fundi sínum í gær að vísa viðræðum um endurnýjun kjarasamninga SFR, SLFÍ og LL við fjármálaráðherra til ríkissáttasemjara. Samningsaðilar hafa fundað síðan í mars og telja fulltrúar samninganefndar félaganna fullreynt að ná samningi á milli aðila án milligöngu ríkissáttasemjara. Eins og kunnugt er lögðu félögin þrjú fram sameiginlega kröfugerð í mars síðastliðinn, en þau eru stærstu félögin innan BSRB sem semja við ríkið og hópurinn sem samið verður fyrir telur rúmlega 5200 manns.

28. janúar 2015

Páskaúthlutun með nýju sniði. Umsóknarfrestur 2.-17. feb.

Páskaúthlutun orlofshúsa hjá SFR er með öðru sniði í ár en áður. Páskavikunni sem áður var úthlutað sem heilli viku verður nú skipt í tvennt ásamt dymbilvikunni og verður því úthlutað oftar til þess að fleiri geti nýtt sér húsin.

27. janúar 2015

Félagsráð fundar

Nú stendur yfir fundur Félagsráðs SFR. Félagsráð mynda stjórn félagsins, formenn fagfélaga og lífeyrisdeildar auk 15 fulltrúa sem kosnir eru af trúnaðarmannaráði. Ráðið fundar tvisvar sinnum á ári og er hlutverk þess meðal annars að vinna að stefnumótun fyrir félagið í samráði við stjórn og annast undirbúning fyrir aðalfund félagsins. Sú er einmitt dagskrá fundarins í dag og hafa fulltrúar þess setið við síðan í morgun. Það var Haraldur Hjaltason ráðgjafi sem stýrði vinnunni en stemmningin er sem fyrr afar góð og umræðurnar gagnlegar.

26. janúar 2015

Blað stéttarfélaganna í prentun

Blað stéttarfélaganna er nú farið í prentun og mun berast félagsmönnum von bráðar. Í blaðinu má m.a. finna allt um Gott að vita námskeiðin nú á vorönninni en skráning á námskeiðin hefst 5. febrúar kl 10.

Þá eru í blaðinu upplýsingar um páskaúthlutun orlofshúsa (umsóknarfrestur til 17. feb.), kjarasamningana framundan, grein um karla og femímisma, auk viðtals við Dag B. Eggertsson borgarstjóra.

21. janúar 2015

Vetrarhelgi í orlofshúsi

Aðgengi [1600x1200] Það getur verið notalegt svona yfir háveturinn að hverfa frá ys og þys hversdagslífsins og dvelja helgi í orlofshúsi, enda eru húsin okkar afar vel búin í fallegu umhverfi. Næstu helgi eru laus orlofshús á eftirfarandi stöðum; Vaðnesi, Öndverðarnesi, Skorradal, Húsafelli, Arnarstapa og Hólmavík. Bókanir og nánari upplýsingar eru á orlofsvefnum.

12. janúar 2015

Trúnaðarmannanámskeið

Trúnaðarmannanámskeið BSRB og Félagsmálaskóla alþýðu heldur áfram í upphafi næsta mánaðar. Byrjað verður að kenna fyrsta námskeið á 1. þrepi Trúnaðarmannanámsins þann 2. febrúar nk. Kennt verður í þrjá daga frá 2. til 4. febrúar á milli kl. 9-15:45.

07. janúar 2015

Námskeið í stjórnsýslurétti fyrir starfsmenn ríkisstofnana

Sex vikna námskeið í stjórnsýslurétti verður haldið 26. janúar til 4. mars. Í ellefta skiptið bjóða forsætisráðuneytið og Reykjavíkurborg í samvinnu við Stofnun stjórnsýslufræða og stjórnmála upp á sex vikna námskeið um stjórnsýslulögin og stjórnsýslurétt fyrir þá starfsmenn ríkisins og starfsmenn sveitarfélaga, sem koma að meðferð mála og undirbúningi ákvarðana í stjórnsýslunni.

23. desember 2014

Opnunartími skrifstofunnar yfir jól og áramót

Stjórn og starfsfólk SFR óskar félagsmönnum og öllum landsmönnum gleðilegra jóla. Skrifstofa SFR verður opin á venjulegum tíma kl 9:00-16:00 á milli jóla og nýárs, en lokað verður að morgni aðfangadags og gamlársdags.