Fréttir og greinar

04. desember 2023

Skrímsli eða venjulegir strákar?

Hann var venjulegur strákur, nánast fullkominn, sagði faðir stráks sem nýlega var handtekinn vegna gruns um morðið á fyrrverandi kærustu sinni Guiliu Cecchettin. Stráknum hafi gengið vel í skóla, aldrei hefði komið til vandamála í samskiptum við kennara eða skólafélaga. Önnur hafa sagt hann hafa verið stjórnsaman í sambandi sínu við Guiliu en engum dottið í hug að hann myndi vinna henni mein.

04. desember 2023

Konur kröfðust jafnréttis á sögulegum baráttufundi

Það er merkilegt að verða vitni að sögulegum atburði eða viðburði eins og Kvennaverkfallinu 24. október sl. þegar um 100 þúsund kynsystra minna og kvára komu saman á Arnarhóli til að krefjast jafnréttis. Um allt land gerðist það sama, konur komu saman á ráðhústorgum eða fyrir framan bæjarskrifstofur og kröfðust þess að kynbundið ofbeldi yrði stöðvað strax, og að kynbundinn launamunur heyrði sögunni til. WOMAN RIGHTS - ARE - HUMAN RIGHTS, JAFNRÉTTI NÚNA var meðal þeirra slagorða sem haldið var á lofti.

04. desember 2023

Að gefast upp á ábyrgðinni

Í önnum hins daglega lífs hefur almenningur væntingar um að samfélagskerfin okkar virki með sæmilegum hætti. Að heilbrigðiskerfið, félagslegu kerfin, samgöngukerfin og skólakerfið skili okkur eins góðu samfélagi og kostur er hverju sinni. Jú, jú … það má ýmislegt betur fara af og til, en við göngum út frá því að allir séu að reyna sitt besta. Allt frá almennu starfsfólki til stjórnenda sem starfa í mikilvægum innviðum, og þá ekki síst í menntakerfinu.

04. desember 2023

Spila með ótta og samsæriskenningar

Hulda Þórisdóttir er prófessor við stjórnmálafræðideild Háskóla Íslands. Hún er doktor í sálfræði og hennar sérsvið er stjórnmálasálfræði, stjórnmálaviðhorf, samspil tilfinninga og stjórnmálaskoðana og samsæriskenningar. Eftir doktorsútskrift 2007 starfaði hún í Princetonháskóla í Bandaríkjunum, síðan lá leiðin til Háskóla Íslands 2009 þar sem hún starfaði sem lektor, síðar dósent og nú prófessor við stjórnmálafræðideild HÍ frá því í sumar. Árin 2018–20 gegndi hún stöðu aðstoðarprófessors í sálfræði við New York-háskóla í Abu Dhabi og stundaði þar þverfaglegar rannsóknir í stjórnmálasálfræði.

01. desember 2023

Þjóðarsátt og kjarasamningar meðal umfjöllunarefnis á félagsfundi á Akranesi

Morgunverðarfundir með félagsfólki halda áfram. Í morgun heimsótti Þórarinn Eyfjörð félagsfólk á Akranesi. Umræðuefnið ...

01. desember 2023

Einkavæðingarstefna Reykjavíkurborgar á opinberri þjónustu

Reykjavíkurborg sinnir og rekur fjölbreytta opinbera þjónustu í grunnkerfum samfélagsins, meðal annars heilbrigðisþjónustu ...

30. nóvember 2023

Spyrja hvort störf kvenna séu minna virði en karla

Ragna Kemp Haraldsdóttir, Guðbjörg Linda Rafnsdóttir og Guðbjörg Andrea Jónsdóttir skrifa í nýútkomnu tímariti Sameykis um jafnlaunavottunina og segja að þrátt fyrir markmið stjórnvalda víða um heim að afnema kynbundinn launamun, þá er það einungis hér á landi sem fyrirtækjum og stofnunum, þar sem starfa að jafnaði 25 einstaklingar eða fleiri á ársgrundvelli, hefur verið gert að innleiða jafnlaunastaðal og öðlast jafnlaunavottun.

30. nóvember 2023

Við eigum að hjálpast að

Við Íslendingar höfum ávallt lagt okkur alla fram þegar náttúruhamfarir verða hér á landi. Við þjöppum okkur saman og hjálpumst að eins og eðlilegt er að gera. Við treystum því að sú opinbera þjónusta, og innviðirnir sem við höfum sameiginlega byggt upp, sé bæði skjól og vörn fyrir allan almenning. Viðbragðsaðilar, löggæsla, sjúkrahús og sálgæsla taki við og hjálpi okkur ef við erum særð á líkama eða sál. Við viljum að innviðir eins og rafmagn, hitaveita og rennandi drykkjarvatn sé varið og virki svo við getum lifað af á þessu harðbýla landi.

29. nóvember 2023

Samhengisleysi efnahags-, peninga- og atvinnumála

Seðlabankinn hefur hvorki eitt markmið né eitt tæki til að ná því markmiði. Vextir á nokkrum mismunandi innlánsreikningum bankans fyrir viðskiptabankana eru kallaðir stýrivextir eða meginvextir. Þessi vextir, sem peningastefnunefnd bankans ákvarðar, lækka ekki verðbólguna sjálfkrafa, heldur eru áhrifin af hækkun eða lækkun vaxtanna kölluð miðlun peningastefnunnar. Hún á að stuðla að því að vísitalan sem mælir verðlag og þannig verðbólguna lækki, en það tekur bæði tíma, byggist á öðrum ytri þáttum og felur í sér ýmsa óvissu.