Fréttir og greinar

13. mars 2015

Páskaeggjabingó fyrir félagsmenn og fjölskyldur þeirra

SFR og St.Rv. standa fyrir árlegu páskaeggjabingói laugardaginn 21. mars næstkomandi kl. 14, Grettisgötu 89, 1. hæð. Húsið opnar kl. 13:30. Félagsmenn og fjölskyldur þeirra eru hjartanlega velkomin á meðan húsrúm leyfir, en allir aldurshópar geta spilað bingó. Í verðlaun eru páskaegg af öllum stærðum og gerðum. Engin börn fara tómhent heim. Verð fyrir bingóspjald er kr. 400, sem þarf að greiðast í peningum þar sem enginn posi er á staðnum.

11. mars 2015

Ávinningur af meira jafnvægi heimilis og atvinnulífs

Vaktavinnufólki gengur verr að samræma fjölskyldu- og atvinnulíf en dagvinnufólki. Þetta kemur fram á heimasíðu BSRB og var á meðal þeirra niðurstaðna sem Ragnheiðar Eyjólfsdóttur, verkefnastjóri, fjallaði um í erindi sínu um samræmingu fjölskyldu og atvinnulífs á á árlegum hádegisverðarfundi sem haldinn var í tilefni af alþjóðlegum baráttudegi kvenna af BSRB, ASÍ, BHM, KÍ, Jafnréttisráði og Jafnréttisstofu í gær.

05. mars 2015

Laus orlofshús um helgina

Um helgina eru nokkur laus orlofshús í boði fyrir félagsmenn, meðal annars í Húsafelli, Vaðnesi og Hólasetur í Biskupstungum. Áhugasamir félagsmenn kíkið á orlofsvefinn þar má bæði bóka og greiða.

05. mars 2015

Orlofsblað og páskaúthlutun

Orlofsblað SFR er nú á leið til félagsmanna í pósti. Í blaðinu er að finna allar upplýsingar um þá orlofsmöguleika sem í boði eru hjá félaginu í sumar ásamt margvíslegum hagnýtum upplýsingum. Í sumar verður í fyrsta sinn boðið upp á að leigja hús á Hvolsvelli og við Drangsnes og margt fleira spennandi. Opnað verður fyrir umsóknir um sumarúthlutun þriðjudaginn 10. mars.

Þá er endurúthlutun páskadaga nú að verða lokið í bili, þ.e.a.s. síðustu geta greitt til miðnættis á föstudag. Fljótlega eftir helgi verða þau hús sem enn eru laus um páska sett á orlofsvefinnog þá geta allir sem vilja bókað sér hús en það kostar punkta eins og áður. Einnig er laust í Kaupmannahöfn um páskana.

03. mars 2015

Hádegisfundur í tilefni af baráttudegi kvenna

Í tilefni af alþjóðlegum baráttudegi kvenna 8. mars verður hádegisfundur á Grand Hótel Reykjavík mán. 9. mars kl. 11.45-13.00 í Hvammi. Á fundinum verður fjallað um samræmingu fjölskyldu- og atvinnulífs undir yfirskriftinni Er tími til að njóta lífsins? Þrjú erindi verða flutt og við upphaf fundar verður borin fram súpa og kaffi. Verð 2.600 kr. Sjá auglýsingu hér.

25. febrúar 2015

Gott að vita námskeiðin - matjurtir, bókmenntir, bogfimi, GPS...

Akureyri-Borgarnesi-Blönduósi-Hvammstanga-Sauðárkróki-Reykjavík

Enn eru nokkur pláss laus á Gott að vita námskeið og einnig hafa bæst við námskeið á Norðurlandi vestra. Á Akureyri er laust á Matjurtanámskeið, Bogfimi, Stafgöngunámskeið og Tengsl hugsana, tilfinninga og hegðunar. Í Borgarnesi er laust á Sjálfstraust í fasi/framkomu og á Ræktun-Ávaxtatré og ber. En í Reykjavík er laust á ...

21. febrúar 2015

Páskaúthlutun lokið

Nú er fyrstu páskaúthlutun lokið og þeir sem voru svo heppnir að fá úthlutað ættu að vera búnir að fá póst um það. Gott að kíkja alltaf á ruslpóstinn sinn ef maður á von á einhverju því það geta verið síur í pósthólfunum sem henda úthlutuninni þangað. Svo er líka hægt að sjá það inni á orlofsvefnum með því að skrá sig inn og þá ætti að vera kominn takki þar sem umsóknin var áður sem á stæði Ógreidd úthlutun. Að þessu sinni voru 85 umsóknir og 34 sem fengu úthlutað en eftir standa 2 hús á tímabilinu 27.03-01.04. sem er helgin fyrir páska + dymbilvikan.Þetta eru flott hús í Munaðarnesi annað í Stekkjarhól 77 og hitt í Vörðuási 14. Svo nú er bara að drífa sig að bóka. Þeir sem ekki fengu úthlutað lenda sjálfkrafa á biðlista og eftir honum verður úthlutað því sem verður skilað inn.

18. febrúar 2015

Námskeið fyrir félagsmenn á Norðurlandi vestra

SFR býður félagsmönnum sínum á Norðurlandi vestra á námskeið, þeim að kostnaðarlausu, í samstarfi við Farskólann. Um er að ræða námskeiðin Matjurtagarðurinn þinn, Siðfræði og samskipti og Spjaldtölva (iPad) fyrir byrjendur og verða þau haldin á Blönduósi, Sauðárkróki og Hvammstanga ef lágmarksskráning næst. Skráning hér.

16. febrúar 2015

Páskaúthlutun - umsóknarfrestur til 17. feb.

Umsóknarfrestur til að sækja um orlofshús um páska er til miðnættis á morgun 17. febrúar og úthlutað verður 19. febrúar. Umsóknir eru á orlofsvefnum.

13. febrúar 2015

Heyrist þín rödd?

Nú hefur könnunin um val á Stofnun ársins og launakönnun verið send út til allra félagsmanna SFR. Við hvetjum ykkur öll til þess að láta raddir ykkar heyrast. Því fleiri sem svara þessari stærstu vinnumarkaðskönnun landsins því háværari verða raddirnar.