Fréttir og greinar

02. október 2017

BSRB opnar kosningavef

BSRB opnaði í morgun nýjan kosningavef þar sem farið er yfir þau mál sem bandalagið telur að leggja verði höfuðáherslu á í komandi þingkosningum. Bandalagið skorar á þá flokka sem berjast nú um hylli landsmanna að gera kjósendum grein fyrir afstöðu sinni til þeirra grundvallarstefnumála sem fjallað er um á vefnum.

28. september 2017

Kynbundinn launamunur að aukast

Niðurstöður nýrrar launakönnunar SFR sýna að grunnlaun félagsmanna SFR félaga hækkuðu um tæplega 9% á milli ára 2016 og 2017. Þar af voru 6,5% kjarasamningsbundnar hækkanir hjá flestum SFR félögum. Heildarlaun hækkuðu um 8%. Kynbundinn launamunur mælist nú 13% samkvæmt könnuninni en það er sá munur sem eftir stendur þegar leiðrétt hefur verið fyrir aldri, vinnutíma, starfsaldri, starfsstétt, menntun, vaktaálagi og atvinnugrein. Lægstur hefur kynbundinn launamunur mælst árið 2013 en þá var hann 7%

27. september 2017

Orlofsvef lokað tímabundið

Orlofsvefur SFR verður lokaður eftir hádegi næstkomandi mánudag (2. okt.) milli kl. 13:00-15:00 vegna breytinga. Því verður ekki hægt að bóka hús eða leita upplýsingar þar á meðan. Við biðjumst velvirðingar á þessu.

22. september 2017

Félagsráð fundar

Nýtt Félagsráð SFR fundaði í vikunni, en fundir ráðsins eru alla jafna tvisvar á ári, í september og í janúar. Í Félagsráði situr stjórn félagsins, formenn fagfélaga, sjóða og deilda auk 20 annarra sem kosnir eru af trúnaðarmannaráði. Hlutverk Félagsráðs er meðal annars að vinna að stefnumótun fyrir félagið, annars undirbúning aðalfundar og kjósa í fastanefndir.

13. september 2017

Trúnaðarmenn komnir á fullt

Fyrsti trúnaðarmannaráðsfundur vetrarins fór fram í gær. Þangað komu meðal annarra yfir 20 nýir trúnaðarmenn á sinn fyrsta fund. Kosning trúnaðarmanna fór fram í vor og var þó nokkur endurnýjun í hópnum. Sérstök nýliðanámskeið eru haldin fyrir nýja kjörna fulltrúa sem margir þeirra sóttu í gærmorgun, en næsta námskeið verður haldið 21. september næstkomandi.

04. september 2017

Líf og fjör í Munaðarnesi

Ný leiktæki hafa verið sett upp á leiksvæðinu í Munaðarnesi. Þar eru nú bæði aparóla og trampólín fyrir börn á öllum aldri auk minigolfsins og fótboltavallarins sem fyrir voru. Þá hafa einnig verið ráðnir nýir rekstaraðilar að Þjónustumiðstöðinni í Munaðarnesi.

29. ágúst 2017

Langar þig að starfa í Félagsráði?

Fresturinn til þess að tilkynna framboð til Félagsráðs SFR hefur verið framlengdur til og með 5. september. Allir félagsmenn SFR geta boðið sig fram í Félagsráð en kosið er í ráðið á fyrsta fundi trúnaðarmannaráðs í haust þann 12. september næstkomandi.

23. ágúst 2017

Orlofshús í haust

Langar þig í berjamó? Við eigum nokkur laus orlofshús nú í ágúst og september, m.a. í Vatnsendahlíð í Skorradal, Munaðarnesi og á Eiðum. Kynntu þér málið á orlofsvefnum okkar.

04. júlí 2017

Lokað vegna jarðarfarar

Skrifstofa SFR verður lokuð eftir hádegi í dag, þriðjudaginn 4. júlí vegna jarðarfarar Sigríðar Kristinsdóttur fyrrverandi formanns félagsins.

26. júní 2017

Vel heppnuð Jónsmessuferð LSFR

Jónsmessuferð Lífeyrisdeildar SFR var farin í síðustu viku og fóru alls um 130 félagar úr deildinni í ferðina. Farið var á þremur rútum og heimsótti hópurinn meðal annars Íslenska bæinn í Gaulverjahreppi, Þjóðveldisbæinn, Hjálparfoss og Gjána. Að lokum var snæddur kvöldverður í Ingólfsskála