Fréttir og greinar

18. október 2021

Mesta húsnæðisöryggið og ánægja leigjenda er hjá óhagnaðardrifnum leigufélögum

Í nýjustu mánaðarskýrslu HMS er fjallað um leigumarkaðinn. Þar kemur fram að stærstur hluti leigumarkaðarins leigi af einstaklingi á almennum markaði, eða 41,9 prósent. Alls 18 prósent leigjenda leigja af ættingjum eða vinum. Hlutdeild einkarekinna leigufélaga á markaðinum er um tíu prósent, svipað hlutfall leigir af sveitarfélögum, 8,6 prósent á stúdentagörðum og 4,6 prósent leigja nú af óhagnaðardrifnum leigufélögum eins og Bjargi íbúðafélagi sem er húsnæðissjálfseignarstofnun stofnuð af ASÍ og BSRB.

13. október 2021

Er diskókynslóðin orðin gömul, nennirðu nokkuð að leggja inn á mig?

Framundan eru nokkur mjög skemmtileg Gott að vita! námskeið á vegum Sameykis í samstarfi við Framvegis fræðslumiðstöð. Við viljum vekja athygli á námskeiðinu, Af kynslóðabilunum og öðrum bilunum sem fjallar um einkenni og athafnir kynslóðanna og samskiptin á milli þeirra. Það er með ólíkyndum hve ólík dískó og pönk kynslóðin, sem steig trylltan dans í Villta tryllta Villa eða hékk í spilasölum og lék sér í Pacman leikjum í upphafi níunda áratugar síðustu aldar, er þeirri sem nú hangir með snjallsímann í lófanum og spyr hvort við nennum að leggja inn á sig. Hver eru einkenni kynslóðanna? Mjög skemmtilegir og áhugaverðir heimar kannaðir á þessu líflega námskeiði.

11. október 2021

Stytting vinnuvikunnar gengin í garð

Í aðdraganda síðustu kjarasamninga haustið 2018 ríkti gríðarleg samstaða meðal samninganefnda þáverandi félaga SFR og St.Rv. um að stytting vinnuvikunnar væri eitt helsta baráttumál félaganna. Auk þess voru félagar innan annarra stéttarfélaga BSRB á sama máli og úr varð að allir lögðust á eitt að ná þeim markmiðum í gegn.

11. október 2021

Bætt mannauðsstjórnun hjá hinu opinbera

Auðunn Arnórsson, MPA, fjallar um niðurstöður lokaritgerðar sinnar í opinberri stjórnsýslu við HÍ, en hún fjallar um það hvernig bæta má mannauðsstjórnun í opinbera geiranum með réttri nýtingu könnunarinnar Stofnun ársins.

07. október 2021

Viðhorf félagsmanna Sameykis til heimavinnu rædd í Speglinum

Formaður Sameykis, Þórarinn Eyfjörð, var í viðtali við fréttaþáttinn Spegilinn á rás eitt um könnun sem gerð var meðal félagsmanna Sameykis um viðhorf þeirra til heimavinnu í COVID-19 faraldrinum.

05. október 2021

Sameyki kallar eftir aðgerðum til að leiðrétta laun kvennastétta

Sameyki stéttarfélag í almannaþjónustu kallar eftir því að þegar í stað verði gripið til aðgerða til að leiðrétta laun kvennastétta sem vanmetin hafa verið um langt skeið.

01. október 2021

Sameyki sterkt afl innan BSRB

Þórarinn Eyfjörð, formaður Sameykis var kosinn 1. varaformaður BSRB á nýafstöðnu 46. þingi þess. Sameyki stéttarfélag í almannaþjónustu er stærsta stéttarfélagið innan sambandsins með um 12500 félagsmenn og mikilvægt er að opinberir starfsmenn hafi afl og sterka rödd til að hafa áhrif innan BSRB og utan þess.

29. september 2021

Sonja Ýr endurkjörin formaður á 46. þingi BSRB

Sonja Ýr Þorbergsdóttir var í dag endurkjörin formaður BSRB til næstu þriggja ára á 46. þingi BSRB með 97,22 prósent greiddra atkvæða. Þingið, sem nú er nýlokið, var rafrænt vegna sóttvarnaraðgerða þegar það var boðað og var allri málefnavinnu sem til stóð að fara í á þinginu frestað þar til á framhaldsþingi.

28. september 2021

Bjarg íbúðafélag afhenti fimm hundruðustu íbúðina í dag

Bjarg íbúðafélag afhenti í dag 500. íbúðina að Gæfutjörn 22 í Úlfarsárdal ungri móður Hjördísi Björk Þrastardóttur. Íbúðin er 3ja herbergja á fjórðu hæð í fjölbýlishúsi efst í dalnum með fallegu útsýni til austurs og suðurs. Hjördís Björk var himinlifandi yfir nýju íbúðinni og þótti útsýnið fagurt.

14. september 2021

„Ætla að leyfa mér að vera bjartsýnn“

Gylfi Magnússon, prófessor og forseti viðskiptafræðideildar Háskóla Íslands ræddi á trúnaðarmannaráðsfundi Sameykis sem haldinn var í dag um efnahagslífið í faraldri fyrir og eftir hrun. Fram kom í máli hans að horfurnar í efnahagslífinu eftir COVID-19 eru alls ekki svo slæmar að hans mati. Sagðist hann ætla að leyfa sér að vera nokkuð bjarsýnn á framtíðina þrátt fyrir allt. Sló prófessorinn á létta strengi í máli sínu og uppskar oft hlátur fundargesta þó fundarefnið hafi verið á alvarlegu nótunum. Sagði Gylfi að hallinn á ríkissjóði í faraldrinum hafi verið 230 milljarðar króna eða 130 milljónir á dag. Verg landsframleiðsla dróst hratt saman, jafnvel hraðar í faraldrinum en í hruninu, og landsframleiðsla dróst einnig saman líkt og á árunum 2008-9. Heildarmyndin sé þó samt vel viðráðanleg sagði Gylfi og peningalegar stærðir væru hagstæðar.