Fréttir og greinar

09. júní 2020

Verðlaunafé í minningu Halldórs félaga okkar

05. júní 2020

Ert þú meðal hinna heppnu?

Þeir sem tóku þátt í könnuninni um Stofnun ársins lentu sjálfkrafa í happdrættispotti. Alls voru 12 vinningar dregnir úr innsendum svörum. Í vinning eru m.a. 60 þúsund króna gjafabréf frá Icelandalir, helgardvöl í orlofshúsum félagsins, vikudvöl í orlofshúsum félagsins á Spáni og miðar á Airwaves tónlistarhátíðina í haust (þeir miðar verða að sjálfsögðu færðir á milli ára ef vera skyldi að ekki yrði að hátíðinni í ár vegna Corona faraldursins).

27. maí 2020

Stjórn Sameykis fordæmir uppsagnir hjá Seltjarnarnesbæ

Stjórn Sameykis fordæmir uppsagnir starfsmanna í mötuneytum Seltjarnarnesbæjar. Starfsfólk mötuneytanna hjá Seltjarnarnesbæ hefur í áraraðir sinnt leik- og grunnskólabörnum bæjarins af alúð og metnaði. Verðmætið í reynslu þeirra og tengslum við samfélagið er haft að engu þegar öllum starfsmannahópnum er sagt upp og einkaaðila falið verkið með þeim orðum að nú þurfi að spara.

22. maí 2020

Orlofsávísanir í boði út maí!

Ákveðið hefur verið að framlengja frestinn til þess að sækja um orlofsávísanir fram til mánaðarmóta maí/júní. Einungis þeir sem ekki hafa fengið úthlutuðu orlofshúsi í sumar geta sótt um ávísanirnar. Félagsmaður sem fær úthlutað orlofsávísun framvísar kvittunum eftir að ferð/afþreyingu/gistingu að eigin vali er lokið og fær andvirði orlofsávísunar greitt inn á bankareikning sinn gegn framvísun gildra kvittana. Hægt er að sækja um orlofsávísanir á Orlofsvef.

20. maí 2020

Undirritaður samningur við Klettabæ

Undirritaður hefur verið samningur við Klettabæ. Kynningarfundur verður mánudaginn 25. maí kl. 12:00 og og hefst atkvæðagreiðsla um samninginn á sama tíma.

15. maí 2020

Nýr vinnuréttarvefur BSRB

BSRB hefur opnað glæsilegan vinnuréttarvef. Vinnuréttarvefur BSRB hefur að geyma upplýsingar um réttindi og skyldur starfsmanna á opinbera og almenna vinnumarkaðnum auk ýmissa annarra upplýsinga sem varða vinnumarkaðinn. Með nýjum vinnuréttarvef verður almennum félagsmönnum gert auðveldara fyrir að átta sig á eigin réttindum. Þá mun hann einnig nýtast starfsmönnum aðildarfélaga bandalagsins vel sem uppflettirit um réttindi þeirra félagsmanna.

15. maí 2020

Er Háskólagátt eitthvað fyrir þig?

Háskólinn á Bifröst býður upp á nám í Háskólagátt. Námið á að koma til móts við þá sem hafa ekki náð að fóta sig í hefðbundu námsumhverfi framhaldsskólanna, hafa ekki lokið stúdentsprófi en vilja undirbúa sig fyrir háskólanám eða styrkja stöðu sína á vinnumarkaði.

14. maí 2020

Kjarasamningur við Fríhöfnina

Rétt í þessu undirrituðu Sameyki og Fríhöfnin kjarasamning. Samningurinn verður kynntur og borinn undir atkvæði á næstu dögum.

13. maí 2020

Samningur Félagsbústaða samþykktur

Kjarasamningur Sameykis og Félagsbústaða var samþykktur með öllum greiddum atkvæðum í atkvæðagreiðslu sem lauk nú í dag. Yfir 84% tóku þátt í atkvæðagreiðslunni. 100% sögðu já en enginn sagði nei.

12. maí 2020

Verið velkomin!

Ákveðið hefur verið að opna húsið okkar við Grettisgötu 89 fyrir almennri umferð frá og með þriðjudaginn 12. maí. Að undanförnu hafa aðstæður í samfélaginu breyst hratt og reglur verið rýmkaðar. Fyrir vikið teljum við tímabært að opna að nýju en húsið hefur verið lokað frá því 16. mars. Við bjóðum því félagsfólk okkar velkomið í húsið en minnum á skynsamlega fjarlægð milli manna. Salirnir í húsinu verða þó áfram lokaðir til útleigu fyrir 3ja aðila.