22. mars 2024
Þórarinn Eyfjörð sjálfskjörinn formaður Sameykis
Síðdegis í gær var haldinn aðalfundur Sameykis. Þórarinn Eyfjörð, formaður Sameykis, flutti skýrslu stjórnar. Í henni þakkaði hann öllu félagsfólki fyrir mikið og gott starf á árinu, og stjórnarfólki og starfsfólki fyrir vel unnin störf á árinu. Hann sagði vinnu við kjarasamninga hafi verið það mikilvægasta í starfinu hjá félaginu á árinu og greindi hann einnig frá þeim störfum sem bar hæst; verkfallsaðgerðir, jöfnun launa milli markaða, styttingu vinnuvikunnar, launajafnrétti ofl. Þá sagði Þórarinn mannauðskönnina Stofnun ársins standa upp úr því mikilvægt er að slík mannauðskönnun sé gerð fyrir stofnanir ríkisins og vinnustaði Reykjavíkurborgar.