Fréttir og greinar

21. desember 2018

Gleðilega hátíð

Starfsfólk og stjórn SFR óskar félagsmönnum og fjölskyldum þeirra gleðilegra jólahátíðar og þakkar afar gott samstarf á árinu sem er að líða. Vinsamlegast athugið að skrifstofa félagsins verður lokuð á aðfangadag og gamlársdag, en opin virku dagana milli jóla og nýárs eins og vanalega (frá kl. 9:00-16:00).

19. desember 2018

Aðalfundur SFR 26. janúar

Aðalfundur SFR stéttarfélags í almannþjónustu verður haldinn 26. janúar 2019 kl. 11.30 að hótel Hilton Reykjavík Nordica.

18. desember 2018

Genfarskólinn

Virkir félagsmenn í aðildarfélögum BSRB sem hafa áhuga á að læra meira um alþjóðamál verkalýðshreyfingarinnar geta sótt um að komast í nám í Norræna lýðháskólanum í Genf, Genfarskólanum, en hægt er að sækja um til loka janúar 2019.

12. desember 2018

Spánn - páskaúthlutun

SFR á nú tvær eignir á Spáni. Önnur þeirra 4ra herbergja raðhús í Quesada sem hefur verið í útleigu síðan í sumar og hin er Penthouse íbúð við Los Arenales ströndina sem kemur í útleigu fljótlega.

11. desember 2018

Samkeppni um nafn - verðlaun

Það er mikilvægt að félagsmenn taki þátt í sem flestu um nýja félagið. Þess vegna var ákveðið að blása til samkeppni meðal allra félagsmanna St.Rv. og SFR um nafn félagsins. Skilafrestur vegna hugmynda að nýju nafni er 14. janúar 2019.

10. desember 2018

Sungið dátt á jólaballi SFR og St.Rv.

Gleðin var við völd á árlegu jólaballi SFR og St.Rv. í Gullhömrum síðastliðinn laugardag. Dansað var í kringum jólatréð og sungið dátt með jólasveinunum.

07. desember 2018

Minningarorð um góðan félaga

Í dag er borin til grafar góður félagi og vinkona okkar SFR félaga. Hrafnhildur Hauksdóttir var afar virk í félagsstarfi stéttarfélagsins um árabil. Hún var trúnaðarmaður á sínum vinnustað, sat í samninganefnd, Félagsráði og í stjórn Styrktar- og sjúkrasjóðs félagsins auk þess sem hún var fulltrúi félagsins á BSRB þingi nú í haust. Hrafnhildur sinnti trúnaðarstörfum sínum fyrir félagið af dugnaði og heilindum. Fráfall hennar er okkur öllum sem henni kynntumst og áttum með henni gott og mikið samstarf mikill harmur. Við kveðjum í dag góðan félaga með söknuði og sendum fjölskyldu Hrafnhildar okkar innilegustu samúðarkveðjur.

05. desember 2018

Takk sjálfboðaliðar!

Í dag 5. desember er alþjóðlegur dagur sjálfboðaliða. Það er því við hæfi að þakka öllum þeim fjölda sjálfboðaliða sem halda starfi félagsins á lofti. Verkalýðshreyfingin er byggð upp af sjálfboðaliðum og öflugt starf hennar enn þann dag í dag væri ekki mögulegt nema fyrir ótal viljugar hendur og huga fólks með sanna stéttarfélagshugsun.

30. nóvember 2018

Atvinnuleitendur fá desemberuppbót

Atvinnuleitendur á skrá hjá Vinnumálastofnun munu fá greidda desemberuppbót. Gert er ráð fyrir því að óskert desemberuppbót verði 81 þúsund krónur .Atvinnuleitendur með börn á framfæri munu auk þess fá sérstaka uppbót fyrir hvert barn sem er yngra en átján ára. Auk þess samþykkti ríkisstjórnin á dögunum að umsækjendur um alþjóðlega vernd fái greidda desemberuppbót eins og undanfarin ár.

29. nóvember 2018

Skattatilfærsla eða krónutöluhækkun?

Kjararáðstefna trúnaðarmanna og fulltrúa SFR og St.Rv. var haldin í gær á Grand hótel. Þar komu saman rúmlega 100 manns og unnu afar gagnlega vinnu til undirbúnings kröfugerðum félaganna. Samningar félaganna eru flestir lausir í lok mars 2019 að undanskyldum samningum við ohf félögin, s.s. Fríhöfnina, RÚV og Rarik SFR megin og Orkuveitunni St.Rv. megin.