Fréttir og greinar

06. febrúar 2020

Aðildarfélög BSRB undirbúa atkvæðagreiðslu um verkfall

Aðildarfélög BSRB sem semja við ríki, Samband íslenskra sveitarfélaga og Reykjavíkurborg hafa samþykkt að undirbúa atkvæðagreiðslur um verkfallsboðun. Atkvæðagreiðslurnar fari fram hjá hverju félagi fyrir sig 17. til 19. febrúar og áformaðar aðgerðir hefjist í mars.

06. febrúar 2020

Veist þú um hús?

Við erum að leita að fleiri orlofshúsum eða íbúðum til leigu utan stór höfuðborgarsvæðisins fyrir sumarið 2020. Einungis húsnæði í góðu ásigkomulagi og í fallegu umhverfi kemur til greina. Áhugasamir sendi upplýsingar til Ásu á netfangið asaclausen@sameyki.is fyrir febrúarlok.

05. febrúar 2020

Sameyki styður verkfallsaðgerðir Eflingar

Stjórn Sameykis stéttarfélags í almannaþjónustu lýsir yfir stuðningi við yfirstandandi verkfallsaðgerðir Eflingar stéttarfélags gagnvart Reykjavíkurborg og sendir starfsmönnum í verkfalli baráttukveðjur. Um leið hvetjum við félagsmenn innan Sameykis að ganga ekki í störf félagsmanna Eflingar í verkfalli.

03. febrúar 2020

Gott að vita skráning hefst kl. 17:00

Skráning á Gott að vita námskeiðin hefst kl. 17:00 í dag hér á vefnum. Í boði eru fjölbreytt námskeið sem eru félagsmönnum að kostnaðarlausu. Ef þig langar til að læra golf, allt um fjallgöngur, spænsku, spila á Ukulele, gera eigin krem og varasalva eða fræðast um lifandi hefðist á íslandi skaltu skrá þig.

02. febrúar 2020

Þorrablót lífeyrisdeildar

Lífeyrisdeild Sameykis stendur fyrir Þorrablóti fyrir félagsmenn deildarinnar fimmtudaginn 20. febrúar 2020, kl. 16:00, í Fram heimilinu, Safamýri 25
Boðið verður upp á hefðbundinn þorramat og kaffi á eftir. Söngur og gamanmál. Verð 3.000 kr. á mann.

31. janúar 2020

Heimsókn heilbrigðisritara

Nemendur sem læra til heilbrigðisritara í Fjölbrautaskólanum í Ármúla komu í heimsókn í dag á skrifstofu Sameykis til að fræðast aðeins um hlutverk stéttarfélaga og flækjur vinnumarkaðarins. Það var Kristrún Sigurðardóttir kennari og kennslustjóri heilbrigðisgreina sem kom með þeim. Nemendur úr námi heilbrigðisritara hafa við árlega til okkar og við fögnum hverju tækifæri til þess að koma boðskap stéttarfélaga á framfæri. Takk fyrir skemmtilega heimsókn.

​

31. janúar 2020

Myndir frá baráttufundi

Sannarlega kröftugur baráttufundur í Háskólabíói í gær eins og myndirnar sýna vel. Okkur hafa borist fregnir af því að á milli 80-100 manns hafi verið í Hofi á Akureyri og fleiri víða um landið þar sem streymt var. Þá voru um 3000 manns sem fylgdust með í gegnum streymi á facebook og mbl.is. Takk kærlega fyrir frábæran fund ... en við erum rétt að byrja!

30. janúar 2020

Fjölmennur baráttufundur í Háskólabíó

Nú er nýlokið fjölmennum baráttufundi í háskólabíó en þar var Árni Stefán Jónsson, formaður Sameykis, einn af ræðumönnum. Hér birtum við ávarpið sem hann flutti á fundinum.

30. janúar 2020

Opinberir starfsmenn sýna samstöðuna á baráttufundi

Félagar í BSRB, BHM og Fíh munu fjölmenna á fund í Háskólabíói í dag til að krefjast þess að ríki og sveitarfélög gangi tafarlaust til samninga.

27. janúar 2020

Kjarasamninga strax!

Fjölmennum á baráttufund 30. janúar kl. 17. Nú þurfum við að sýna mátt okkar enda hafa samningar verið lausir í 10 mánuði! Fundurinn er haldinn að frumkvæði félagsmanna í BSRB en með okkur verða einnig félagar í BHM og Félagi íslenskra hjúkrunarfræðinga enda erum við öll orðin langþreytt á samningsleysi og hægagangi viðsemjenda. Fundirnir verða haldnir í Háskólabíói, Hofi, Ísafirði og mögulega víðar en nákvæmari staðsetningar auglýstar síðar. Íslenska velferðarkerfinu haldið uppi af stórum starfshópum þessara samtaka og félaga og við krefjumst þess að við fáum mannsæmandi laun og vinnutíma. Ef samningar nást ekki á næstunni er fátt eitt annað í stöðunni en verkfallsaðgerðir og hafa sum félögin m.a. Sameyki þegar hafið undirbúning.
Við skorum á allt félagsfólk okkar að mæta og fylla Háskólabíóið - nú er kominn tími á að við sýnum mátt okkar!