Fréttir og greinar

03. nóvember 2015

Kynning á kjarasamningi SFR og ríkisins

Annar opinn kynningarfundur verður í fyrramálið, mið. 4. nóv. kl. 8:15, á Grettisgötu 89, 1. hæð. Þessi fundur verður sendur út í streymi þannig að þeir sem eru búsettir á landsbyggðinni og ekki fá kynningarfund til sín fá tækifæri til að fylgjast með. Hér er síðan hægt að nálgast kynningarglærurnar og hér er samningurinn.

30. október 2015

Kynningarfundur um nýjan kjarasamning

Kynningarfundur um nýjan kjarasamning SFR og ríkisins verður haldinn mán. 2. nóv. kl. 16:30 á Fosshótel Lind Rauðarárstíg 18 (jarðhæð). Félagsmenn sem vinna hjá ríkinu

29. október 2015

Kjarasamningur SFR við ríkið

Nýr kjarasamningur SFR og ríkisins verður kynntur fyrir trúnaðarmönnum og félagsmönnum næstu daga og verður að því loknu borinn undir atkvæði félagsmanna. Atkvæðagreiðslan mun hefjast að lokinni kynningu og standa til 10. nóvember. Gildistími samningsins er 1. okt. 2015 - 31. mars 2019.

28. október 2015

Verkfalli aflýst

Samninganefndir SFR, SLFÍ og LL skrifuðu undir nýjan kjarasamning við ríkið klukkan fimm í morgun. Verkfalli hefur því verið aflýst. Innihald nýs kjarasamnings verður kynnt félagsmönnum á fundum sem skipulagðir verða víða um land í næstu viku og mun einnig verða aðgengilegur hér á vefnum fljótlega. Nú sitja fulltrúar SFR á 44. þing BSRB, SFR á þar 51 fulltrúa en yfirskrift þess er Öflug almannaþjónusta - betra samfélag.

26. október 2015

Fundur samninganefndar hófst klukkan eitt

Samninganefndir SFR, SLFÍ og LL hafa setið á fundum með samninganefnd ríkisins hjá sáttasemjara alla helgina. Nýr fundur nefndanna hófst nú klukkan eitt.

22. október 2015

Samstöðufundur við stjórnarráðið kl. 9 á föstudagsmorgunn

Kjarasamningsviðræður SFR, SLFÍ og LL við ríkið standa enn yfir og ganga alltof hægt að áliti félaganna. Enn eru á annað þúsund félagsmanna í verkfalli. Knýjum á um lausn deilunnar og mætum á samstöðufund kl. 9 í fyrramálið við stjórnarráðið.

19. október 2015

Kröfuganga þriðjudagsmorgunn kl. 9:00

Félagsmenn SFR, sjúkraliðar og lögreglumenn. Fylkjum liði í kröfugöngu og fylgjum eftir kröfum okkar. Leggjum af staði frá Hlemmi kl. 9 í fyrramálið þriðjudaginn 20. október.

Klæðum okkur vel, nú skiptir máli að standa saman.

16. október 2015

Verkfallsbætur

Upplýsingar og eyðublöð vegna verkfallsbóta mun verða sett hér á vefinn fyrir mánaðarmót. Þar munu félagsmenn geta séð allar upplýsingar um greiðslu verkfallsbóta en kappkostað verður að ganga frá greiðslu verkfallsbóta sem fyrst um og eftir mánaðarmótin.

16. október 2015

Félagsdómur fækkar störfum á undanþágulista

Í niðurstöðu Félagsdóms kemur fram að störfum sem eru á undanþágulista samkvæmt 19. gr. laga nr. 94/1986 er fækkað. Hér er hægt að nálgast lista sem auglýstur var í Lögbirtingarblaði þar sem búið er að merkja við hvaða störf voru dæmd út af listanum.

14. október 2015

Verkfall hefst á miðnætti

Eins og fram hefur komið sátu samninganefndir SFR, SLFÍ og LL fund með samninganefnd ríkisins hjá sáttasemjara í dag. Á þeim fundi komu fram nýjar hugmyndir sem samninganefndirnar hafa nú til skoðunar. Árni Stefán Jónsson, formaður SFR stéttarfélags, segir engar líkur á að verkfalli félagsmanna verði frestað, þrátt fyrir að ríkið hafi lagt fram nýja tillögu í morgun. Hann segir aðildarfélögin nú vinna að því að útfæra þessar hugmyndir.

„Við getum ekki frestað verkfallinu, og það eru engar líkur á því. Verkfallið byrjar klukkan tólf í kvöld, það er algjörlega á hreinu,“ segir Árni. „Núna er bara næsta skref að fara inn í baklandið okkar. Við erum að velta málum upp og við ætlum að það taki töluverðan tíma að fara yfir þessa hugmynd."