Fréttir og greinar

09. mars 2020

Samið við ríkið

Nú þegar um fimm klukkustundir eru liðnar af verkfalli Sameykis gagnvart ríkinu undirrituðu samningsaðilar kjarasamning sín á milli. Með undirskriftinni er verkfalli félagsmanna sem starfa hjá ríki aflýst.

09. mars 2020

Samningur við Samband íslenskra sveitarfélaga undirritaður

Undirritaðir hafa verið samningar við Samband íslenskra sveitarfélaga rétt í þessu. Það þýðir að verkfalli félagsmanna Sameykis hjá Akraneskaupstað, Höfða hjúkrunar- og dvalarheimili og Seltjarnarnesbæ hefur verið afstýrt. Samningur verður kynntur félagsmönnum á næstu dögum og borinn undir atkvæði.

08. mars 2020

Baráttufundi aflýst - samninganefndir sitja enn við

Baráttufundur sem boðað hafði verið til á fyrsta degi verkfalls, mánudaginn 9. mars, hefur verið felldur niður vegna COVID-19 faraldursins.

08. mars 2020

Alþjóðlegur baráttudagur kvenna 8. mars

8. mars er alþjóðlegur baráttudagur kvenna og við óskum konum til hamingju með daginn í dag. Sameyki tekur ekki þátt í neinum viðburðum í tilefni dagsins í ár vegna anna við kjaraviðræður og undirbúning verkfalls. Það er að mörgu leyti táknrænt fyrir baráttuna að daginn eftir alþjóðlegan baráttudag kvenna skuli svo stór hópur kvenna á opinberum markaði ætla að leggja niður störf í kjarabaráttu. Í Sameyki eru konum rétt tæplega 70% félagsmanna og konur eru einnig í meirihluta í fleiri stórum félögum innan BSRB.

06. mars 2020

Undanþágur veittar Landspítala og Heilsugæslu höfuðborgarsvæðisins

Undanþágunefndum Sameykis stéttarfélag í almannaþjónustu og Sjúkraliðafélags Íslands barst beiðni í dag frá Heilsugæslu höfuðborgarsvæðisins og Landspíta vegna fordæmalausra aðstæðna sem nú er uppi vegna COVID-19 veirunnar og aukinni útbreiðslu hennar sem hefur leitt til þess að Almannavarnarnefnd hefur lýst yfir neyðarstigi.

06. mars 2020

Orlofsblaðið í pósti

Orlofsblaði Sameykis er komið í póst til félagsmanna. Í blaðinu eru kynntir allir þeir orlofskostir sem standa félagsmönnum til boða og leiðbeiningar fyrir þá sem vilja bóka eða sækja um sumarúthlutun. Frestur til að sækja um orlofshús í sumar innanlands er til og með 26. mars. Við vonum að sem flestir félagsmenn geti fundið sér eitthvað spennandi í blaðinu. Í því er einnig blásið til ljósmyndaleiks með veglegum verðlaunum.

05. mars 2020

Hvaða æsingur er þetta?

Árni Stefán setti niður nokkur orð í Fréttablaðið um hver staðan í kjarasamningsviðræðunum er í raun og veru.

Hvers vegna opinberir starfsmenn hafa fengið nóg og boða til verkfalls 9. mars
Kjarasamningar við meginþorra opinberra starfsmanna hafa nú verið lausir í rúma 11 mánuði. Allan þann tíma hafa viðræður á milli viðsemjenda verið í gangi þó hægt hafi gengið. Hlé var tekið um hásumarið og samið um innágreiðslu, enda trú okkar að fljótlega yrði gengið frá samningum. Það varð ekki raunin. Viðsemjendur snéru aftur að samningaborðinu tómir á svip með nákvæmlega sömu rulluna og í byrjun.

04. mars 2020

Ríkið neitar að greiða samkvæmt lífskjarasamninginum

Í gær var fundað fram á kvöld með ríkinu til þess að reyna að ná samkomulagi í yfirstandandi kjaraviðræðum og hefur annar fundur verið boðaður í dag. Búast má við því að reynt verði til hins ítrasta til að ná samningum áður en verkfall skellur á næstkomandi mánudag og eigum við von á fundum fram á kvöld næstu daga og um helgina. Fundur með Reykjavíkurborg er á morgun og hefur einnig verið fundað stíft þar á bæ.

03. mars 2020

Störf undanþágunefnda í undirbúningi

Undirbúningur vegna yfirvofandi verkfalls er í fullum gangi samhliða kjarasamningsviðræðum. Eitt af því sem þarf að huga að eru undanþágunefndir.

27. febrúar 2020

Kær samstarfsmaður fallinn frá

Okkar kæri vinur og samstarfsmaður Halldór Snorri Gunnarsson lést í síðustu viku eftir erfið veikindi. Útför hans fer fram frá Kópavogskirkju næstkomandi föstudag 28.febrúar kl. 11.00. Vegna jarðarfararinnar verður skrifstofa Sameykis lokuð milli kl. 10 og 14:00 þann dag.