Fréttir og greinar

18. nóvember 2015

Nýr samningur SFR og Reykjavíkurborgar

Nýr kjarasamningur milli SFR og Reykjavíkurborgar var undirritaður rétt í þessu í húsnæði sáttasemjara. Samningurinn gildir frá 1. maí 2015 til lok mars 2019 og er á svipuðum nótum og kjarasamningur Starfsmannafélags Reykjavíkurborgar og borgarinnar sem undirritaður var í síðustu viku. Næstu daga verður innihald samningsins kynnt og að því loknu fer hann í atkvæðagreiðslu.

18. nóvember 2015

Kjaraviðræður í fullum gangi

Kjarasamningsviðræður á milli samningsaðila eru enn í fullum gangi, en SFR gerir kjarasamning við alls 8 aðila. Einungis tveir samningar eru í höfn, þ.e. samningur við Ríki og Isavia en viðræður við aðra aðila eru komnar vel af stað. Í gær funduðu samninganefndir SFR og fulltrúar Samtaka fyrirtækja í velferðarþjónustu vegna kjaraviðræðna. Á þessari stundu situr samninganefnd SFR á fundi með samninganefnd Reykjavíkurborgar og síðar í dag verður fundað með samninganefnd RARIK. Hægt þokast í þessum viðræðum öllum en fram á veginn þó.

10. nóvember 2015

Sjúkraliðar samþykkja kjarasamning

Samningur Sjúkraliðafélags Íslands og ríkisins hefur verið samþykktur með 96,25% atkvæða. Þátttaka í atkvæðagreiðslunni var 59,9%. Enn stendur yfir atkvæðagreiðsla um samning SFR og ríkisins og eru félagsmenn SFR sem enn eiga eftir að kjósa hvattir til þess að gera það.

09. nóvember 2015

Frestur til að greiða atkvæði lengdur til hádegis 16. nóv.

Ákveðið hefur verið að lengja frest til að greiða atkvæði um kjarasamning SFR og ríkisins til mánudagsins 16. nóvember kl. 12:00.

06. nóvember 2015

Verkfallsbætur greiddar

Nú hafa um 2400 manns fengið greiddar verkfallsbætur inn á reikninginn sinn. Síðar í dag eiga þessir aðilar von á tölvupósti þar sem útreikningar verkfallsbótanna eru útlistaðar.

Þeir sem enn eiga eftir að sækja um verkfallsbætur eru hvattir til að gera það. Við munum greiða aftur út fljótlega í næstu viku.

06. nóvember 2015

Verkfallsbætur

Fjölmargir hafa þegar sótt um verkfallsbætur og munu þeir væntanlega fá þær greiddar í lok dags, ef allt gengur að óskum. Þeir sem eiga eftir að sækja um geta enn gert það því við munum greiða aftur í næstu viku.

04. nóvember 2015

Atkvæðagreiðsla um kjarasamning SFR og ríkisins hefst á morgun

Atkvæðagreiðsla um kjarasamning SFR og ríkisins hefst fimmtudaginn 5. nóvember kl. 12:00. Atkvæðagreiðslan er rafræn og eiga allir félagsmenn SFR sem starfa hjá ríkinu að fá bréf með leiðbeiningum og kjörlykli í pósti heim til sín. Prentun bréfsins var lokið, pökkun var í gangi og stefnt á póstlagningu í dag sem A-póst, sem þýðir að bréfið verður borði út á morgun, fim. 5. nóvember.

04. nóvember 2015

Kynningarfundir um kjarasamning - Egilsstaðir og Selfoss

Opnir kynningarfundir um kjarasamning SFR og ríkisins verða á Hótel Héraði Egilsstöðum kl. 12 og í Tryggvaskála Selfossi kl. 16:00 í dag (miðvikudaginn 4. nóv.). Félagsmenn SFR sem starfa á svæðinu og vinna hjá ríkinu eru hvattir til að koma og kynna sér efni samningsins.

Sjá nánar um fyrirhugaða kynningarfundi undir liðnum "Á döfinni" hér á vefnum.