Fréttir og greinar

25. febrúar 2016

Starfslokanámskeið 15. mars - skráning

Fræðslufundur um starfslok verður þriðjudaginn 15. mars kl. 13:00-16:30 í húsnæði BSRB Grettisgötu 89, 1. hæð. Fundurinn er opinn öllum félagsmönnum aðildarfélaga innan BSRB sem eru að nálgast starfslok eða eru nýlega hættir störfum. Skráning á netfangið: johanna@bsrb.is og í síma 525 8306 fyrir 11. mars.

23. febrúar 2016

Erfiðleikar með tengil í könnun

Við heyrðum af því fyrr í dag að einhverjir hefðu átt í erfiðleikum með að opna tengilinn fyrir könnuna sem Gallup sendir nú út fyrir okkur. Frá því er skemmst að segja að þeir erfiðleikar stóðu yfir í stutta stund og er nú búið að laga þessa bilun. Við biðjum þá sem lentu í þessu að prófa aftur.

18. febrúar 2016

Trúnaðarmenn á námskeiði

Í dag er síðasti dagur 2 1/2 dags grunnnámskeiðs trúnaðarmanna. Á námskeiðinu er farið yfir hlutverk trúnaðarmanna og úrlausnir mála. Fjallað er um kjarasamninginn, launakjör og launamyndun og einnig farið í leiðtogaþjálfun.

18. febrúar 2016

NSO fundur í Kaupmannahöfn

SFR tekur þátt í samstarfi systurfélaga á Norðurlöndum sem kallast NSO (Nordiska statstjänstemannaorganisationen). Formaður og framkvæmdastjóri SFR sitja í dag fund samtakanna þar sem verið er að fara yfir þau verkefni sem heitast brenna á félögunum, ásamt því að undirbúa árlega ráðstefnu NSO sem haldin verður í Færeyjum síðar á árinu. Mikilvæg mál sem ofarlega eru á baugi eru staða efnahagsmála, staða flóttamanna á vinnumarkaði, samstarf stéttarfélaganna, atvinnurekenda og stjórnvalda, framkvæmd kjarasamninga og önnur þau stóru verkefni sem Norðurlöndin standa nú frammi fyrir.

12. febrúar 2016

Samningur SÁÁ samþykktur

Atkvæðagreiðslu um kjarasamning SFR og SÁÁ lauk í morgun og var hann samþykktur með 65% atkvæða, nei sögðu 31,7% og 2,44% skiluðu auðu.

11. febrúar 2016

Félags- og húsnæðismálaráðherra á fundi trúnaðarmanna

Eygló Harðardóttir félags- og húsnæðismálaráðherra hélt erindi á fundi trúnaðarmanna sem lauk rétt í þessu. Í erindi sínu fjallaði hún meðal annars um húsnæðismál og efnahag í tengslum við húsnæðisfrumvörp sem nú liggja fyrir. Í þeim er m.a. gert ráð fyrir hækkun húsaleigubóta sem tilraun til þess að jafna búsetustyrki og bæta þannig kjör þeirra sem mest þurfa á að halda. Tekjulægstu hóparnir eru í leiguhúsnæði sagði Eygló og hún lagði áherslu á að það þyrfti einnig að auka framboð á húsnæði.

08. febrúar 2016

Gott að vita - tæknilegir örðugleikar

Því miður komu upp tæknilegir örðugleikar við skráningu á Gott að vita námskeiðin, verið er að vinna í því að koma þessu í lag. Opnað verður fyrir skráningu kl. 12.

04. febrúar 2016

Kjarasamningur við SÁÁ

20160201_210054 Fulltrúar samninganefndar SFR undirrituðu kjarasamning við SÁÁ í mánudagskvöld og er hann á svipuðum nótum og þeir samningar sem þegar hafa verið gerðir. Samningurinn verður kynntur starfsfólki SÁÁ næstkomandi mánudag 8. febrúar kl. 17.15. Kynningarfundurinn verður haldinn í húsakynnum SFR (BSRB húsinu) Grettisgötu 89 á 1. hæð. Mikilvægt er að allir sem tök hafa á taki þátt í fundinum og kynni sér innihald samningsins. (Sjá samninginn hér)
Atkvæðagreiða um samninginn (rafræn) hefst sama dag og stendur til föstudagsins 12. febrúar kl. 12. SFR hvetur ykkur öll að tryggja góða mætingu.

01. febrúar 2016

Vitundarvakning um árin eftir fimmtugt

LogoBALL05 SFR og St.Rv. bjóða til kynningar á alþjóðlegu samstarfsverkefni mán. 8. feb. kl. 16.30 að Grettisgötu 89. Samstarfsverkefnið snýst um að móta nýja sýn á undirbúning undir starfslok og er unnið í samvinnu U3A Reykjavík, U3A í Lublin, Póllandi og Alicante, Spáni og er styrkt af Erasmus+ menntaáætluninni. St.Rv. er einn af bakhjörlum verkefnisins. Um U3A Reykjavík má fræðast á www.u3a.is og um verkefnið á www.ball-project.eu. Skráning hér á kynningarfundinn.

21. janúar 2016

Félagsráð SFR vinnur að stefnumótun

Félagsráð SFR sem alla jafna fundar tvisvar á ári situr nú á fundi og vinnur m.a. að stefnumótun og skoðar innra starf félagsins. Málefni aðalfundar eru einnig á verksviði Félagsráðs en aðalfundur félagsins verður haldinn 30. mars næstkomandi. Undirbúningur hans er því einnig til umræðu á fundinum í dag.