Heim

Fréttir og greinar

Fréttir og greinar

22. maí 2014

Verkfall hafið

Ljóst er að verkfall SFR og SLFÍ gegn SFV hefst núna kl. 8. Mikilvægt er að allir félagsmenn mæti á fund á Grettisgötu 89 nú á eftir kl. 09. Þar munum við fara yfir verkfallsvörslu dagsins og ræða framhaldið.
Þrátt fyrir að að verkfall hefjist þá munum við halda áfram viðræðum fram eftir morgni. Okkar von er sú að það muni skila árangri.

22. maí 2014

Samningafundur heldur áfram í nótt

Samningafundur SFR, sjúkraliða og Samtaka fyrirtækja í velferðarþjónustu sem hófst klukkan 9 í morgun stendur enn og er búist við að viðræðum verði haldið áfram í nótt. Náist ekki samningar skellur allsherjarverkfall á klukkan 8 í fyrramálið og nær það til 26 hjúkrunarheimila.

21. maí 2014

Samninganefnd SFR og SLFÍ situr við

IMG_6475 (Copy)Fundur samninganefndar SFR og SLFÍ með SFV hófst hjá sáttasemjara að nýju í morgun, en hlé hafði verið gert á viðræðum klukkan tíu í gærkvöld en þá hafði fundur staðið í níu tíma. Samningamenn segja hægt þokast en þó í rétta átt, en enn eru nokkur stór mál óleyst. Reiknað er með að allsherjar verkfall allra félagsmanna SFR og SLFÍ hjá Samtökum fyrirtækja í velferðarþjónustu hefjist klukkan 8 í fyrramálið, fimmtudaginn 22. maí, nema samningar náist.

20. maí 2014

Kjarasamningur SFR og Fríhafnarinnar samþykktur

Kjarasamningur SFR og Fríhafnarinnar ehf hefur verið samþykktur. Á kjörskrá voru 159.  135 greiddu atkvæði eða 89%. Já sögðu 92 eða 68%. Nei sögðu 37 eða 27%. Auðir og ógildir seðlar voru 6 eða 5%

18. maí 2014

Verkfall hefst á miðnætti - ný facebook síða

Verkfall starfsmanna hjá fyrirtækjum í SFV hefst á miðnætti í kvöld og stendur í sólarhring. Samninganefndir aðila hafa fundað stíft þessa helgi án þess að ná samkomulagi. Samninganefnd SFR og SLFI í kjarabaráttunni við SFV, hefur opnað nýja fésbókarsíðu. Þar er ætlunin að koma á framfæri fréttum og upplýsingum um gang mála með fljótum og skjótvirkum hætti.

 

15. maí 2014

Fjölmennur fundur starfsmanna í verkfalli

IMG_8410 (Copy)Félagsmenn SFR og Sjúkraliðar í verkfalli hittust á fjölmennum fundi nú laust eftir hádegi, en verkfall þeirra hefur staðið í allan dag. Verkfallsverðir hafa tilkynnt um nokkur verkfallsbrot en undanþágunefnd fundar nú og fer yfir vafamál. Verkfalli lýkur nú klukkan fjögur í dag en næstu aðgerðir verða efekki um semst á miðnætti mánudaginn 19. maí frá kl. 00-24 og síðan hefst allsherjarverkfall allra félagsmanna SFR hjá SFV fimmtudaginn 22. maí kl. 6 um morguninn.

 

15. maí 2014

Kjarasamningur SFR, FFR og LSS við ISAVIA samþykktur

Niðurstöður úr atkvæðagreiðslu um kjarasamning SFR, FFR og LSS við Isavía liggur nú fyrir en samningurinn var samþykktur með miklum meirihluta atkvæða. Alls tóku 240 eða 72,95%félagsmanna þessara félaga þátt í kosningunni, Já sögðu 81% en Nei sögðu 24,62%. Auð atkvæði voru 2,43%.

14. maí 2014

Rafræn atkvæðagreiðsla um samning SFR og Reykjavíkurborgar lýkur á morgun

SFR félagar sem starfa hjá Reykjavíkurborg. Rafrænni atkvæðagreiðslu um kjarasamning lýkur á morgun fimmtudag 15. maí kl. 11. Upplýsingar um samning á heimasíðu SFR, kynnum okkur málin og tökum afstöðu.

12. maí 2014

Kjarasamningur SFR og Fríhafnar undirritaður 9. maí

Á föstudaginn 9. maí skrifuðu SFR og Fríhöfnin undir nýjan kjarasamning sem gildir til 31. desember 2015. Haldnir verða tveir kynningarfundir í kaffistofu Fríhafnarinnar, þir. 13. maí kl. 13 og mið. 14. maí kl. 13. Atkvæðagreiðsla um samninginn verður á staðnum og hefst á fundi loknum. Þeir sem ekki verða á fundunum geta sótt kjörseðil til trúnaðarmanna SFR en hægt verður að greiða atkvæði fram til kl. 12 þann 19. maí.

12. maí 2014

Rafræn atkvæðagreiðsla um kjarasamning SFR og Reykjavíkurborgar hafin

Rafræn atkvæðagreiðsla um samning SFR og Reykjavíkurborgar hefst kl. 12 þann 12. maí og lýkur kl. 11 þann 16. maí 2014. Nýr samningur var undirritaður 7. maí og hann má nálgast hér. Kynningu á kjarasamningnum er hægt að nálgast hér. Afar mikilvæt er að sem flestir nýti rétt sinn til að greiða atkvæði. Góð þátttaka skiptir öllu máli!