Fréttir og greinar

1. maí Blað stéttarfélaganna er nú í prentun og mun berast félagsmönnum fljótlega eftir helgi. Í blaðinu er m.a. fjallað um ný frumvörp um fæðingarorlof og húsnæðismál og viðtal við Ólaf Melsted sem vann nýlega mál gegn Seltjarnarnesbæ. Umfjöllun um nýafstaðna aðalfundi félaganna og 1. maí er einnig á sínum stað en félagsmenn eru hvattir til þess að fjölmenna í 1. maí gögnur um land allt.

Fresturinn til að sækja um orlofshús í sumar rennur út á miðnætti á morgun 13. apríl. Umsóknir eru rafrænar á Orlofsvefnum.

Aðalfundur félagsins var haldinn miðvikudaginn 30. mars. Dagskrá fundarins var með hefðbundnum hætti og rakti formaður félagsins Árni Stefán Jónsson viðburði og áherslur síðasta árs í ársskýrslu. Þórarinn Eyfjörð framkvæmdastjóri fór yfir reikninga og fjárhagsáætlun. Samþykktar voru lagabreytingar þar sem m.a. var sett inn í lög félagsins að starfrækja skuli háskóladeild innan SFR og möguleikar formanns til þess að gegna embætti voru lengdir úr fjórum kjörtímabilum í fimm.

Orlofsblað SFR fer í póst til félagsmanna í dag. Í blaðinu eru kynntir allir orlofsmöguleikar sem félagsmönnum standa til boða. Þar eru ítarlegar lýsingar og myndir af orlofshúsum, leiðbeiningar um úthlutun og bókanir og margt fleira gagnlegt og skemmtilegt. Orlofssjóður á 32 eignir sem leigðar eru út til félagsmanna og leigir auk þess um 10 hús til viðbótar víða um land til afnota fyrir félagsmenn auk íbúðar í Kaupmannahöfn.