Sjálfseignarstofnanir • Vinningshafar 2025

Sérstakur listi er fyrir sjálfseignarstofnanir og fyrirtæki í almannaþjónustu. Alls náðu sjö stofnanir þátttökuskilyrðum. Efst á lista meðal sjálfseignarstofnanna og fyrirtækja er Gló stuðnings­félag sem kemur nýtt inn á lista en það hét áður Styrktarfélag lam­aðra og fatlaðra. Heilsu­stofnunin NLFÍ er í öðru sæti en var í fyrsta sæti í fyrra. LSR er í þriðja sæti en var í öðru sæti í fyrra. LSR og Heilsustofnunin hafa verið ofar­lega á lista árum saman og þær buðu öllu starfs­fólki þátt­töku, óháð stéttar­félags­aðild. Niður­stöður Gló stuðnings­­félags eru byggðar á svörum Sameykis­félaga ein­vörðungu. Gló stuðnings­félag vinnur að „aukinni samfélags­þátttöku barna og ungmenna með fjölbreyttar áskoranir og stuðnings­þarfir,“ eins og segir á heima­síðu félagsins.

Sameyki óskar starfsfólki og stjórnendum Gló stuðningsfélags innilega til hamingju með þennan glæsilega árangur og óskar þeim alls hins besta í framtíðinni.