Námskeið - Gott að vita

Sameyki er í samstarfi við Framvegis miðstöð um símenntun varðandi framkvæmd fræðslunnar á höfuðborgarsvæðinu. Þetta haustið verða flestir viðburðir í húsi, ýmist hjá Framvegis Borgartúni 20, eða víðs vegar um höfuðborgarsvæðið. En einnig verður boðið upp á fræðslu í fjarnámi og fá þátttakendur senda krækju á viðburði þegar nær dregur. Þau sem ekki eru vön fjarnámi eru hvött til að hafa samband við Framvegis og fá leiðbeiningar áður en viðburður sem þau skrá sig á hefst.

Þegar þú skráir þig á námskeið þarftu að smella á Skrá umsókn, annars skráist umsókn ekki.

Sameyki, Kjölur og Eining Iðja í samstarfi við Símey bjóða upp á spennandi viðburði fyrir félagsfólk á haustönn 2025 þeim að kostnaðarlausu, bæði á vefnum og í raunheimum. Dagskrá haustannar er í vinnslu og verður birt í ágúst.

Sameyki, Kjölur, Aldan, Samstaða og Verslunarmannafélag Skagafjarðar í samstarfi við Farskólann - Miðstöð símenntunar á Norðurlandi vestra, bjóða upp á spennandi viðburði fyrir félagsfólk á haustönn 2025 þeim að kostnaðarlausu, bæði á vefnum og í raunheimum.

Sameyki í samstarfi við Fræðslumiðstöð Vestfjarða býður upp námskeið fyrir félaga.