Sonja Ýr Þorbergsdóttir, formaður BSRB, segir í viðtali við RÚV að frumvarp fjármálaráðherra um afnám áminningarskyldu opinberra starfsmanna vera grafalvarlegt mál og um sé að ræða fordæmalausa skerðingu á réttindum launafólks sem orðið hefur á íslenskum vinnumarkaði.

Hún segir greinilegt að ætlunin sé að keyra frumvarpið hratt í gegn og gagnrýnir að áformin séu sett fram í búningi mannauðsstjórnunar. Að hennar mati er það villandi framsetning, enda snúist raunveruleg mannauðsstjórnun um að styðja við starfsfólk, efla traust og byggja upp góða vinnustaði en ekki til að auðvelda uppsagnir.

Sonja bendir jafnframt á að þrátt fyrir fullyrðingar fjármálaráðherra sé í frumvarpinu ekki gert ráð fyrir neinum raunverulegum öryggisventli fyrir starfsfólk. Þar sé hvorki tryggt leiðbeinandi samtal né áminning áður en til uppsagnar kemur, sem auki verulega hættu á geðþóttaákvörðunum og ómálefnalegum uppsögnum.

Kári Sigurðsson, formaður Sameykis, tekur í svipaðan streng og gagnrýnir málflutning fjármálaráðherra. „Hann [fjármálaráðherra] heldur því fram að uppsögn hefði ekki staðist þær reglur sem hann vill lögfesta, en staðreyndin er sú að leiðbeinandi samtöl hafa átt sér stað og starfsmaður fær skriflegan rökstuðning. Ákvörðun fjármálaráðherra stendur hins vegar og í besta falli getur niðurstaðan orðið krafa um bætur en starfið fæst ekki aftur,“ segir hann.

Kári bendir einnig á að fullyrðingar um aukið svigrúm stjórnenda standist ekki skoðun. „Það er engin skylda í frumvarpinu til að eiga leiðbeinandi samtöl, aðeins talað um möguleika. Þá hafa stjórnendur þegar haft úrræði til að losa sig við starfsfólk, til dæmis í gegnum skipulagsbreytingar, og það er athyglisvert að þær stofnanir sem standa veikast í mannauðsmálum [Stofnun ársins] nýta þau úrræði hvað mest.“

Að lokum gagnrýnir hann harðlega meint samráð um frumvarpið. „Við höfum ítrekað lýst vilja til að ræða þessi mál, en það svokallaða góða samráð sem ráðherra vísar til kannast enginn við nema hann sjálfur, og ef til vill Viðskiptaráð,“ segir Kári.

Hann tekur undir kröfur BSRB, KÍ og Fhí um að frumvarpið verði dregið til baka og að raunverulegt samráð fari fram við stéttarfélög áður en frekari skref eru tekin.

Frétt á RÚV

„Okkur þykir þetta grafalvarlegt mál“

Harðari viðbrögð við áformum um afnám áminningarskyldu og málið fær aukna umfjöllun í fjölmiðlum.

Lesa á RÚV →

Frétt á Sameyki

Daði Már klórar í bakkann

Fjármálaráðherra bregst við gagnrýni eftir birtingu satíru um uppsagnarbréf.

Lesa grein →

Frétt á Vísi

Varð fyrir áfalli að sjá uppsagnarbréfið

Daði Már lýsir „áfalli“ eftir að hafa séð uppsagnarbréfið sem birtist á síðum Morgunblaðsins.

Lesa á Vísi →

Frétt á Sameyki

Fjármálaráðherra sagt upp störfum

Ríkisstarfsmenn segja fjármálaráðherra upp störfum og benda á afleiðingar afnáms áminningarskyldu.

Lesa grein →

Frétt á Sameyki

Öfugmæli forsætisráðherra

Formenn gagnrýna harðlega orð forsætisráðherra um réttindi launafólks.

Lesa grein →

Pistill

Góð áminning um virðingu

Formenn BSRB, KÍ og Fíh gagnrýna mótsögn milli orða og verka ríkisstjórnarinnar.

Lesa pistil →