Kjarasamningur milli Sameykis stéttarfélags í almannaþjónustu og Samband íslenskra sveitarfélaga fyrir hönd Strætó bs. var undirritaður í dag. Kjarasamningurinn er til fjögurra ára með gildistíma frá 1. apríl 2024 til 31. mars 2028.

Kynningafundur verður haldinn með fjarfundarbúnaði (Teams) fimmtudaginn 19. desember kl. 13:00.

Tengill á kynningarfundinn verður sendur með tölvupósti til félagsfólks. Rafræn kosning um kjarasamninginn mun hefjast á sama tíma og stendur yfir til kl. 11:00 þann 23. desember.

Hægt verður að kynna sér kjarasamninginn inn á Mínum síðum Sameykis.