Stytting vinnuvikunnar hjá vaktavinnufólki tekur gildi 1. maí 2021. Fram að þeim tíma fer margvíslegur undirbúningur fram hjá Sameyki og meðal samningsaðila og einnig inni á vinnustöðunum. Þar eru forstöðumenn og stjórnendur vinnustaðanna sem bera ábyrgð á því að setja innleiðingaferlið í gang. Endurskoða þarf skipulag vakta og verður öllu hlutastarfsfólki boðið að hækka starfshlutfall sitt sem nemur að minnsta kosti styttingu vinnuvikunnar, eða um 10-12%.

Nauðsynlegt er að á vinnustöðum hafi farið fram umbótasamtöl milli starfsfólks og stjórnenda þar sem þörf vinnustaðarins og starfsfólks er höfð í huga. Mikilvægt er að starfsfólkið eigi samvinnu um að finna bestu leiðirnar. Sérstök fræðsla er til um umbótasamtalið, sjá hér fyrir neðan.