Hin árlega Jónsmessuferð lífeyrisdeildar SFR var farin í síðustu viku og þótti takast með afbrigðum vel. Í ferðinni var suðurlandið skoðað vel og vandlega, komið við í Húsinu og Laugabúð á Eyrarbakka, Veiðisafninu á Stokkseyri, Skógum og Vík í Mýrdal. Kvöldverður var síðan snæddur á Stracta Hótel Hella.

Mjög góð þátttaka var í ferðinni eða þrjár fullar rútur af félögum úr lífeyrisdeildinni. Með í för var Anna Dóra starfsmaður frá SFR og þær Salvör og Halldóra frá Menningar- og skemmtinefnd félagsins auk þriggja fararstjóra.