Að loknum aðalfundi gæddu gestir sér á kaffi og með því.

Aðalfundur Lífeyrisdeildar SFR sem haldinn var 21. mars sl. mótmælir harðlega hækkunum á lyfjum sem eiga að koma til framkvæmda 4. maí næstkomandi, en þar inni eru hækkanir á lífsnauðsynlegum, lyfjum eins og sykursýkislyfjum, flogalyfjum, hjartalyfjum og fleiri sem Sjúkratryggingar hafa greitt að fullu til þessa. Þessar hækkanir bitna mest á öldruðum og öryrkjum.

Einnig ályktar fundurinn um eftirfarandi:

• Lífeyrisdeild SFR krefst  þess að stjórnvöld standi vörð um heilbrigðiskerfið og forgangsraði, samanber tækjakaup til Landsspítala.
• Aldraðir fá ekki fullnægjandi úrlausnir þegar kemur að því,  þörf er fyrir pláss á hjúkrunarheimilum, biðlistar eru langir og ber að leysa úr þeim vanda.
• Lífeyrisdeild SFR mótmælir harðlega að greiðslur úr lífeyrissjóðum skerði lífeyri frá almannatryggingum.
• Þegar lífeyrissjóðir voru stofnaðir var gert ráð fyrir að lífeyrir úr þeim  yrði til viðbótar lífeyri frá almannatryggingum og eiga því ekki að skerða þann lífeyrir.
• Lífeyrisdeild SFR krefst þess einnig að frítekjumark vegna greiðsla úr lífeyrissjóðum verði strax hækkað.
• Hækka þarf verulega, frítekjumark vegna fjármagnstekna og atvinnutekna. Það  á ekki að refsa eldri borgurum fyrir að spara og vinna.